АБНА24 Хәбәр Верир, "Америка Суријада ИШИД террор груплашмасынын он миндән үзвүнүн тәһлүкәсизлијини тәмин едир" - буну Ирагын Дијалә әјаләтинин Мүсәлман Алимләр Бирлијинин рәиси Ҹәббар әл-Мәмури дејиб. Ирагын Дијалә әјаләтинин Мүсәлман Алимләр Бирлијинин рәиси Ҹәббар әл-Мәмури әлавә едиб: Америка тәрәфиндән тәһлүкәсизлији горунун минләрлә террорчу Суријанын мүәјјән нөгтәләриндә, о ҹүмләдән Ираг сәрһәдләри јахынлығында јерләшдирилиб. Ҹәббар әл-Мәмури вурғулајыб: ИШИД террорчулары Суријанын, үмумиликдә Орта Шәгрин тәһлүкәсизлијини тәһдид едир вә реҝионда даими гаршыдурмалара сәбәб олур. Буна бахмајараг Американын силаһлы гүввәләри террорчулары ИШИД үнсүрләри үчүн тәһлүкәсиз мәканлар иҹад едәрәк террорчуларын мәһв едилмәсинин гаршысыны алырлар. О, ИШИД террорчуларынын Асијанын гәрбиндә олдугҹа бу реҝионда сабитлик олмајаҹағыны вурғулајараг дејиб: Ирагын дахилиндә вә Сурија сәрһәдләриндә баш верән террорларын 70 фаизи ИШИД-чиләрин васитәси илә һәјата кечирилир. ИШИД үнсүрләри Сурија сәрһәдләриндән Ирагын дахилинә нүфуз едирләр. Онлар әл-Әнбар әјаләтиндә тәһлүкәсизлик гүввәләринә һүҹум едир, даһа сонра Сәлаһуддин вә Дијалә әјаләтләринә сохулурлар. Ирагын Дијалә әјаләтинин Мүсәлман Алимләр Бирлијинин рәиси вурғулајыб: Һәр ҝүн Ирагда пак инсанларын ганлары тәкфирчиләр илә мүбаризәдә ахыр. Буна ҝөрә дә бејнәлхалг ҹәмијјәт Американы террорчулары дәстәкләдијинә ҝөрә вә АБШ силаһлыларынын өзләринин дә Суријада тәһлүкә мәнбәји олдуғу үчүн вә реҝион өлкәләриндә дәһшәтли ҹинајәтләр төрәтдикләринә ҝөрә гынамалыдыр.
342/
