АБНА24 Хәбәр Верир, Австрија, Һолландија вә Белчикада коронавирус мәһдудијјәтләринә гаршы күтләви аксијалар кечирилиб вә чох сајда етиразчы һәбс олунуб. Австријанын пајтахты Вјана полиси билдириб ки, аксијаларын гадаған олунмасына бахмајараг, тәхминән 5 мин инсан күчәләрә чыхыб вә һөкумәтин тәтбиг етдији мәһдудијјәтләрә гаршы шүарлар сәсләндириб. Полис вә етиразчылар арасында тоггушмаларда баш вериб. Һолландијада да карантин мәһдудијјәтләринә гаршы кечирилән етираз аксијаларында тәхминән 30 нәфәр сахланылыб. Һәмчинин, Белчикада етиразчылар коронавирус мәһдудијјәтләринә етираз олараг, күчәләрә чыхыблар, Пајтахт Брүсселдә исә ән азы 200 нәфәр һәбс едилиб. Авропа өлкәләри, һазырда ҝениш карантин мәһдудијјәтләринә вә үмуми ваксинасијанын башланмасына бахмајараг, коронавирусун, хүсусилә дә мутасијаја уғрамыш штаммынын ҝениш јајылмасы илә әлбәјахадырлар.
342/
