АБНА24 Хәбәр Верир, Русија Дөвләт Думасынын бу ҝүн кечирилән пленар иҹласында Русија президенти Владимир Путин тәрәфиндән парламентә тәгдим олунан Русија вә АБШ арасында СНВ-3 мүгавиләсинин узадылмасы һаггында сазишә бахылыб. Дума јекдилликлә сазишин ратификасија олунмасына сәс вериб. Гејд едәк ки, јанварын 26-да Русија Президенти В. Путин вә АБШ Президенти Ҹо Бајден арасында телефон данышығы олуб. Лидерләр Стратежи Һүҹум Силаһлары һаггында Мүгавиләнин мүддәтинин узадылмасы барәдә разылыға ҝәлибләр. Русија Президенти бу ҝүн мәлум мүгавиләнин узадылмасы һаггында лајиһәни ратификасија олунмасы үчүн парламентә тәгдим едиб. Русија ХИН башчысынын мүавини Серҝеј Рјабков СНВ-3 мүгавиләсинин узадылмасы һаггында лајиһә барәдә парламентариләр гаршысында чыхыш едиб вә онларын суалларыны ҹавабландырыб.
342/
