АБНА24 Хәбәр Верир, Авропа үчлүјү бир бәјанатда нүвә анлашмасы тәрәфләринин өз әһдләринә әмәл етмәмәләринә, АБШ-ын биртәрәфли шәкилдә бу анлашмадан чыхмасына вә Иранын һәмин анлашманын маддәләриндән јарарланмамасына тохунмадан Иранын 20 фаизлик уран зәнҝинләшдирилмәсини бәрпа етмәсиндән ниҝаранчылыг ифадә едиб вә ону Иранын нүвә анлашмасындакы өһдәликләринин позулмасы адландырыбдыр! Бәјанатда иддиа олунур ки, Иран тәрәфиндән уранын ијирми фаиз зәнҝинләшдирилмәсинә һеч бир һагг газандырмаг олмаз вә Иран Америка һөкумәти илә дипломатијаја гајыдыш кими мүһүм бир фүрсәти тәһлүкәјә салыбдыр. Инҝилтәрә, Франса вә Алманија бу бәјанатда Ирандан 20 фаизлик уран зәнҝинләшдирилмәсини тәхирә салмадан дајандырмасы вә өз зәнҝинләшдирмә програмыны нүвә анлашмасында разылашдырылмыш сәвијјәјә гајтармасыны истәјибләр. Иран дөвләтинин сөзчүсү базар ертәси ҝүнү Теһрандан ҹәнубда јерләшән Фордо сајтында 20 фаизлик уран истеһсалы просесинин башландығыны елан етди. Әли Рәбии Иран Ислам Республикасынын президенти Һәсән Руһанинин санксијаларын арадан галдырылмасы үзрә стратежи фәалијјәт ганунунун иҹрасы истигамәтиндәки сәрәнҹамына истинадән билдирди ки, Фордо сајтына газ вурулмасы үзрә өнпросес башлајыб вә илк зәнҝинләшдирилмиш уран мәһсулу- УФ6 әлдә олунаҹаг. Санксијаларын арадан галдырылмасы үзрә стратежи фәалијјәт гануну доггуз маддәдән ибарәтдир. Иран Ислам Республикасы дөвләтинин 20 фаизлик зәнҝинләшдирмә үзрә иҹбарилији, ашағы сәвијјәли зәнҝинләшдирилмиш уран еһтијатларынын артырылмасы вә Иранын Атом Енержиси Тәшкилатынын јени нәсилдән олан ЫР2М вә ЫР6 сентрифугаларындан јарарланмасы бу ганунун һалларындандыр.
342/
