АБНА24 Хәбәр Верир, Һәсән Руһани бу ҝүн Иранын назирләр кабинетинин иҹласында бөлҝәнин вә өлкәнин шимал вә шимал-гәрб сәрһәдләринин шәраитинә ишарә илә дејиб: Сәрһәдләрин тәһлүкәсизлији, террорчу груплашмаларын вә террорчуларын Иран сәрһәдләринин јахынлығында һеч бир вәҹһлә иштирак етмәмәләри вә ҹоғрафи сәрһәдләрин дәјишмәмәси Теһран үчүн өнәмлидир. Иран президенти һәмчинин билдириб ки, АБШ сечкиләри мүхтәлиф ҹәһәтләрдән ибрәтамиздир. О, вурғулајыб ки, Теһран үчүн Америкада нәјин баш вердији вә кимин президент олаҹағы мүһүм дејил. Руһани билдириб ки, Америка һөкумәтиндә ишләдилән метод өнәмлидир. О, дејиб ки, әҝәр америкалылар дәрк едиб вә ибрәт алыбларса, онда башга бир јолу сечмәлидирләр. Өлкә президенти һәмчинин өтән ҝүнләрдә дүнјанын мүхтәлиф бөлҝәләриндә едилмиш террор һәрәкәтләринә ишарә илә сөјләјиб ки, ибадәт мәканына, мәктәбә вә университетә һүҹум писләнилир. Руһани дејиб: Ислам Пејғәмбәринә һөрмәтсизлик едән кәсләр јанлыш бир иш ҝөрүбләр; террор төрәдән кәсләр дә гејри-дүзҝүн, јанлыш вә инсанлыға гаршы иш ҝөрүрләр.
342/
