АБНА24 Хәбәр Верир, Ислам Ингилабынын Бөјүк Рәһбәри Һәзрәт Ајәтуллаһулүзма Хаменеи бу ҝүн өлкә президенти вә Коронавирусал Мүбаризә үзрә Милли Гәрарҝаһын үзвләри илә үз-үзә ҝөрүшдә, бу гәрарҝаһын фәалијјәтләрини јүксәк гијмәтләндирәрәк, мүхтәлиф өлкәләрдә коронавирусу идарәт етмә методларына тохунуб вә бујурублар: "АБШ кими бәзи өлкәләрдә ән пис идарәетмә тәтбиг олунуб, Лакин инсанларын һәјат вә сағламлығы, тәһлүкәсизлији вә игтисадијјаты илә әлагәли олан бу һадисәни ән јахшы идарәетмә үсулу илә архада гојмаға чалышмалыјыг". "Өлкәдә бөјүк ишләр ҝөрүлмәкдәдир вә Аллаһын лүтфү илә һеч бир һадисә Иран Ислам Республикасыны дајандыра билмәјиб, Лакин һәрәкәтин јавашламасына сәбәб олан бу манеәләр ән гыса заманда арадан галдырылмалыдыр", - дејә Һәзрәт Ајәтуллаһулүзма Хаменеи әлавә едибләр. Ислам Ингилабынын Бөјүк Рәһбәри, дүзҝүн идарәетмә үчүн зәрири олан амилләрин "гәтијјәтли вә суверен гәрарларын гәбул едилмәси", "иҹтимаи рәји инандырмаг" вә "бүтүн гурумларын вә халгын әмәкдашлығы " олдуғуну билдирибләр вә бујурублар: "Әлбәттә бу әмәкдашлыг тәкҹә коронавирусла мүбаризәјә аид олмамалыдыр, бәлкә бүтүн мәсәләләрдә, хүсусән сијаси мәсәләләрдә мөвҹуд олмалыдыр. Чүнки ҝүҹлү бир милләти, инкишаф етмәкдә олан бир системи вә јени бир дүшүнҹәси олан өлкә тәбии олараг, бејнәлхалг вә дахили аренада бир чох ваҹиб мәсәләләрлә гаршылашыр".
342/
