АБНА24 Хәбәр Верир, Мәҹид Тәхте-Рәванчи билдирибдир ки, Әбу-Муса, Бөјүк вә Кичик Тонб адалары Иранындыр вә әбәдијјәтә гәдәр иранын олараг галаҹагдыр. Тәхте-Рәванчи чәршәнбә ахшамы ҝүнү БМТ Тәһлүкәсизлик Шурасынын виртуал иҹласында бир нечә реҝион өлкәсинин Ирана иттиһам вурмасына ҹаваб олараг, гејд едибдир ки, Иран Ислам Республикасы Фарс Көрфәзи бөлҝәсиндә сабитлик, тиҹарәт нәглијјаты вә енержинин тәмини саһәсиндә инкаредилмәз бир рола малик олубдур вә бу һәссас бөлҝәдә сүлһ вә тәһлүкәсизлијин јүксәлишинә көмәк етмәјә давам едәҹәкдир. Тәхте-Рәванчи сонра вурғулајыб ки, тәһлүкәсизлик дахилдән гајнагланмалыдыр вә ону хариҹдән сатын алмаг олмаз. О, дејиб: Гәрби Асија бөлҝәсиндә һәр ил модерн силаһлара јүзләрлә милјард доллар хәрҹләјән өлкәләр билмәлидирләр ки, ири һәрби хәрҹләр нә леҝитимлик јарадыр, нә дә ки, узунмүддәтли тәһлүкәсизлик. Иранын БМТ-дәки даими нүмајәндәси Иранын ракет мүдафиә програмына да тохунуб. Билдириб ки, Иранын мүдафиә зәрурәтләри ракет програмы кими ҝеостратежи һесабламаларда вә нәзәрәчарпаҹаг тарихи тәҹрүбәдә көкә маликдир.
342/
