АБНА24 Хәбәр Верир, Һәмин гануна әсасән, Америка гаршысында проблемин јаранаҹағы һалда, Пекин даһа јүксәк реаксија ҝүҹүнә малик олмуш олаҹагдыр. Чиндә һаким партијанын мәтбуат органларындан бири олан «Глобал Тајмс» гәзетинин јајдығы бу мәлумата ҝөрә, јени ганун Чин милли тәһлүкәсизлијини горумаг истигамәтиндә, һәмчинин һәјат әһәмијјәтли маллар вә маддәләрин ихраҹатыны мәһдудлашдырмаг үчүн гәбул едилибдир ки, Америка гаршысында тиҹари вә техники чәкишмәләрин артаҹағы тәгдирдә Пекин даһа артыг реаксија гүдрәтинә малик олмуш олсун. Бүтүн чинли ширкәтләрә тәтбиг олунмаг габилијјәтинә малик олан бу ганун дүнән Чин парламентинин даими комитәсиндә гәбул едилиб вә декабрын әввәлиндән иҹра едиләҹәкдир. Бу ганун әсасында ихраҹата нәзарәт Чинин милли тәһлүкәсизлији илә бағлы олан хидмәтләр, технолоҝијалар, әмтәә маллары, һәмчинин нүвә, һәрби вә мүлки мәһсуллара тәтбиг едиләҹәкдир. Мәлуматлара әсасән, јени ганун Чинә иҹазә верәҹәкдир ки, Америка гаршысында ҹаваб аддымлары атмыш олсун. Сон ајлар әрзиндә Америка дәфәләрлә тәһлүкәсизлик тәһдидинә ҝөрә, месаж ҝөндәрән програмлар, информасија вә рабитә тәҹһизатларынын тәмин едилмәси кими чинли технолоҝија ширкәтләринин фәалијјәтләрини гадаған етмәјә вә онларын Американын вә диҝәр өлкәләрин базарларына дахил олмаларыны гадаған етмәјә чалышыбдыр.
342/
