АБНА24 Хәбәр Верир, Иран Хариҹи Ишләр Назирлији бу рәсми бәјанатда вурғулајыб: Бу ҝүндән етибарән, Иран Ислам Республикасы лазым олан һәр ҹүр силаһ вә сурсаты һәр бир мәнбәдән, ганун мәһдудијјәти олмадан вә сырф олараг, өзүнүн мүдафиә еһтијаҹларына әсасән, әлдә едә, һәмчинин өз сијасәтләри әсасында мүдафиә силаһлары ихраҹ едә биләр. Бәјанатда дејилир: Бу ҝүн дүнја иҹтимаијјәти үчүн мүһүм бир ҝүндүр, зира о, Бирләшмиш Штатлар режиминин ҹәһдләринин әксинә ҝедәрәк, БМТ Тәһлүкәсизлик Шурасынын 2231 сајлы гәтнамәсини вә нүвә анлашмасыны горујуб сахлады. Бәјанатда сонра дејилир: Нүвә анлашмасынын јениликләриндән биринә әсасән, силаһ мәһдудијјәтләри вә сәфәр гадағаларынын гејд-шәрт олмадан вә гәти шәкилдә битмәсинин һеч бир јени бир гәтнамәнин гәбул едилмәсинә еһтијаҹы јохдур, һәмчинин һеч бир бәјанатын верилмәси вә БМТ-нин Тәһлүкәсизлик Шурасы тәрәфиндән һеч бир диҝәр аддымын атылмасыны тәләб етмир. Сон бир нечә ај әрзиндә Американын 2231 сајлы гәтнамәдә дәрҹ олунмуш Ирана гаршы силаһ ембаргосунун узадылмасы үзрә сәјләринин шиддәтләнмәсинә рәғмән, бу мәһдудијјәтләр бу ҝүн сәһәр тездән, нүвә анлашмасынын бешинҹи илдөнүмүндә автоматик шәкилдә ҝөтүрүлүр.
342/
