АБНА24 Хәбәр Верир, Ливан халг һәрәкатынын фәаллары 17 октјабр ингилабынын биринҹи илдөнүмү ҝүнүндә Бејрутун мәркәзинә топлашараг, бу өлкәнин парламент бинасына ҝирмәјә чалышыблар. Тәһлүкәсизлик гүввәләри ҝөзјашардыҹы газла онлара мане олублар. Ливанлы етиразчылар сонра Бејрут лиманында аксија кечирәрәк, бу лиман партлајышы гурбанларынын хатирәси вә символу кими ингилаб мәшәлини аловландырыблар. Онлар шүарлар верәрәк, мүстәгил һөкумәтин тәшкили, нөвбәдәнкәнар парламент сечкиләринин кечирилмәси, ислаһатларын апарылмасы, коррупсионерләрин вә Бејрут партлајышы амилләринин мүһакимә олунмаларына даир тәләбләринә тәкид едибләр. Ливан 2019-ҹу ил 17 октјабр тарихиндән бәри халг етиразларынын шаһидидир. Коронавирус епидемијасы вә дөрд август Бејрут партлајышы да бу өлкәдәки игтисади бөһраны артырыбдыр. Ливанда ардыҹыл бөһранлар һөкумәтин кәнара чәкилмәсинә баис олду вә индијәдәк сијаси груплар јени һөкумәтин тәшкили барәдә бир разылыға чата билмәјибләр.
342/
