АБНА24 Хәбәр Верир, Иран Силаһлы Гүввәләринин Али Баш Команданы Һәзрәт Ајәтуллаулүзма Хаменеи бу ҝүн Имам Әли (ә) адына Забитлик Университетиндә кечирилән Силаһлы Гүввәләрин Забитлик Университетләринин бирҝә мәзунлуг мәрасими илә видео әлагәдә, дејиб: "Америкалыларын ҹәфәнҝијатлары, онларын бу саһәдәки горхулары, һәмчинин ҝери галмаларындан ирәли ҝәлир, Лакин бу атмосферләрдән асылы олмајараг мәнтигли һесаблама системи горунмалыдыр вә Ислам Республикасы бүтүн бу саһәләрдә ирәлиләмәјә давам едәҹәкдир". Һәзрәт Ајәтуллаулүзма Хаменеи, һәмчинин АБШ президентинин өлкә игтисадијјатына хәләл ҝәлмәсиндән вә Иран милләтинә гаршы төрәдилән ҹинајәтә ҝөрә хошбәхтлик ифадә етмәсинә дә тохунараг, бујуруб: "Белә бир ҹинајәтә ҝөрә фәхр етмәк јалныз сизин кими алчаг инсанлара аид ола биләр". "Әлбәтдә ки, АБШ-ын минләрлә милјард долларлыг бүдҹә кәсири вә он милјонларла аҹ вә јохсуллуг һәддинин алтында олан инсанларла мөвҹуд вәзијјәти чох писдир вә АБШ-ын сатгын, ҹинајәткар вә алчаг рәсмиләринин ҝөзү кор олсун ки, Иран халгы иман ҝүҹү вә милли әзмкарлыгла чәтинликләрин өһдәсиндән ҝәләҹәк вә санксијалардан өлкә игтисадијјатыны һәгигәтән ҝүҹләндирмәк үчүн бир васитә кими истифадә едәҹәкдир", -дејә Иран Силаһлы Гүввәләринин Али Баш Команданы гејд едиб. Һәзрәт Ајәтуллаулүзма Хаменеи бир даһа бу мәсәләјә ки, проблемләрин һәлли өлкәнин дахилиндәдир, тәкид едәрәк, бујурублар: "Инсанларын игтисади вә мәишәт проблемләри, рәсмиләрин ҝеҹә-ҝүндүз чалышмалары, ҝүҹлү, һәртәрәфли вә јорулмаз идарәт етмә вә јерли истеһсала тәмәркүзләшмә вә хариҹә үмид бәсләмәмәк шәрти илә һәлл олунандыр вә Америка милләтинә һаким кәсилмиш гулдурларын һај-күјү һеч кәсин зеһнини мәшғул етмәмәлидир". Иран Силаһлы Гүввәләринин Али Баш Команданы, тәһдидләрин дәјишмәсинә тохунараг, онларла гашылашмаг үчүн јени програмларын лазым олдуғуну билдирәрәк, вурғулајыблар: "Иран Силаһлы Гүввәләринин университетләриндә апарылан арашдырмаларда јени тәһдидләрин прогноз едилмәси вә онларла неҹә мүбаризә апармағын јолларыны билмәјә ҹидди шәкилдә диггәт јетирилмәлидир".
342/
