АБНА24 Хәбәр Верир, буну Јапонијанын Мүдафиә назири Таро Коно Стратежи вә Бејнәлхалг Арашдырмалар Мәркәзинин тәшкил етдији виртуал форматда баш тутан мүзакирәләрдә чыхышында дејиб. "Мүдафиә назири олараг дејә биләрәм ки, Чин Јапонијанын тәһлүкәсизлији үчүн бир тәһдидә чеврилиб, онларын ҝениш имканлары вә мүәјјән нијјәтләри вар, биз Чинин давранышыны чох јахындан мүшаһидә етмәлијик", - дејә Јапонијанын Мүдафиә назири билдириб. Јапонијанын АБШ илә бирҝә Пекинин һәрәкәтләрини чох диггәтлә изләмәсинин ваҹиб олдуғуну сөјләјән назир Чинин сон онилликләрдә мүдафиә хәрҹләрини әһәмијјәтли дәрәҹәдә артырдығыны вә реҝиондакы фәалијјәтини сүрәтләндирдијини гејд едиб. "Биз инди онларын статус-квону ҝүҹдән истифадә едәрәк дәјишдирмәк нијјәтини ҝөрүрүк. Чинин нијјәтләри, нә етмәк истәдији бизи чох нараһат едир", јапонијалы назир билдириб. Мүдафиә назиринин сөзләринә ҝөрә, әввәлләр о, ЧХР-ин һәрәкәтләрини “нараһатлыг доғуран” адландырырдыса, инди бу һәрәкәтләри “тәһлүкә јарадан” һесаб едир.
342/
