АБНА24 Хәбәр Верир, буну Түркијә Хариҹи Ишләр назиринин сөзчүсү Һами Аксој билдириб. Һ.Аксој дејиб ки, Австријада Түркијә адына ҹәсуслуг едилдијинә даир иддиалар Түркијә иҹтимаијјәти, еләҹә дә бу өлкәдә јашајан Түркијә топлумунда тәәссүф һисси јарадыр вә мүнасибәтләрин корланмасына ҝәтириб чыхарыр: “Австрија һөкумәтинин гејри-ҹидди рефлексләрлә өлкәмизи иттиһам едән нәтиҹәләр чыхармасыны һејрәтлә гаршылајырыг”. Дипломат билдириб ки, Түркијә ХИН рәсми Австријаны өлкәси үзәриндән сүни ҝүндәм јарадыб бунун архасынҹа ҝетмәкдәнсә, дөвләтин тәгдири вә ләјагәти илә һәрәкәт едәрәк сәмими әмәкдашлыға дәвәт едир. Гејд едәк ки, дүнән Австрија Дахили Ишләр назири “Түркијә Австријаны бөлмәк истәјир” иддиасы илә бу өлкәдә түрк ҹәсусун тутулдуғуну билдириб. Лакин “ҹәсус” дејилән шәхсин кимлији ачыгланмајыб.
342/
