АБНА24 Хәбәр Верир, Ираг мүгавимәт груплары вурғулајыблар ки, бу өлкәнин баш назири Мустафа Әлказими АБШ-а сәфәри заманы бу өлкә һәрбчиләринин Ирагдан чыхмаларыны өз әсас приоритети етмәли иди. Бу груплар бәјанат јајараг, билдирибләр: Ҝөзләјирдик ки, Әлказими вәд етдији кими бу өлкә суверенлијинин реаллашмасы үчүн Ирагын гејрәтли халгынын нүмајәндәси олмуш олсун, нәинки халгларын гарәт едилмәләри вә ган ахыдылмасында пешәкар олан Доналд Трамп кими бир ахмаг, мәсәләләри она диктә етмиш олсун. Бәјанатда дејилир: Әлказиминин өзү илә ҝәтирәҹәји бәзи лајиһәләр тәблиғат вә алдатма характери дашыјыр вә онларын бәзиси Америка һејбәтинин јенидән Ирагын габилијјәтләри үзәриндә јајылмасы, мүстәмләкәчилик, оғурлуг вә гарәт үчүндүр. Әлмәјадин телеканалы бу груплара истинадла хәбәр верибдир ки, Әлказими милјонлуг аксија илә тәләб олунан Ираг халгынын гәрарынын иҹрасыны өзүнүн әсас приоритети етмәли иди. Бу халг өз гәрарына ҝәлиб вә вурғулајыр ки, ишғалчы Америка тәрәфиндән һәрҹ-мәрҹлик вә бөһранын јарадылмасы, терроризмин малијјәләшдирилмәси, мәһветмә, дағытма вә иштиракда мәгсәд будур ки, о, Ираг игтисадијјатыны мәһв едәрәк, онун мәнбәләрини гарәт етсин вә бу мәсәләјә сон гојулмалыдыр. Бәјанатда сонра дејилир: Елә буна ҝөрә, гәрара алыблар ки, халгын гәрарынын иҹрасы истигамәтиндә гәсбкар гүввәләри говсунлар; бу гүввәләрин иштирак вә тәҹавүзләри стратежи разылашма чәрчивәсиндән кәнар олараг, Ирагын башыуҹалығы вә суверенлијинә гаршы ашкар тәҹавүздүр. Бәјанатда сонра дејилир: Американын ҝөрдүјү һәрәкәтләрин баша чатмасындан сонра Әлказиминин Америкаја сәфәри заманы ишғалчы АБШ гүввәләринин там шәкилдә Ирагдан чыхмалары мәсәләсинин ирәли сүрүлмәмәсини/ Ирагын суверенлијиндән, бу өлкә халгынын ләјагәтиндән, әсас ганундан вә ону парламент гәрарларыны иҹра етмәјә борҹлу едән ганундан јан кечмәк һесаб едирик. Бу груплар вурғулајыблар ки, Әлказими Ирагын суверенлијини мүдафиә етмәли вә АБШ-ын ишғалчылығына сон гојмалыдыр. Онлар белә гејд едибләр: Әҝәр Американын там шәкилдә Ирагдан чыхмасы барәдә разылыг әлдә олунмазса, мүгавимәт груплары гануни вә шәри бахымдан белә бир һагга маликдирләр ки, тәдриҹи мүгавимәт фәалијјәти вә сијаси диалога фүрсәтин верилмәси мәрһәләсиндән/ чәкишмә вә Американын бүтүн марагларына гаршы һүҹум мәрһәләсинә дахил олсунлар… Америка гүввәләри бизим һүҹумларымыздан хилас олмајаҹаглар. Бәјанатда сионист режим һејәтләринин Бағдадда/ Ирагда һәрҹ-мәрҹлик вә дағынты ишиндә координасија јаратмаг үчүн америкалы вә ираглы команданларла ҝөрүшләринә ишарә едиләрәк, вурғуланыб ки, бу һејәтләр дә һүҹумлар даирәсиндән кәнарда галмајаҹаглар; бу һејәтләр бәзи алчаг шәхсләри мүзда ҝөтүрмәклә террорлары ҝенишләндирмәк вә Ирагын әһали бөлҝүсүнү арадан ҝөтүрмәк ардынҹадырлар. Мүгавимәт груплары сонда белә гејд едибләр: Халгымызы әмин едирик ки, онларын мүгавимәт груплары/ бу шәхсләрин пусгусунда дурублар. Биз онларын һәрәкәтләрини изләјирик вә өлкәни/ сионистләрин вә Американын програмлашдырма апармагда олдуглары һәрҹ-мәрҹлијә дахил етмәләринә иҹазә вермәјәҹәјик. Әлказими һазырда Америкададыр. Доналд Трамп дүнән иддиа етди ки, үч ил әрзиндә АБШ гүввәләрини Ирагдан чыхараҹаг. Бу мәсәлә Ирагын мүгавимәт групларынын һиддәтинә сәбәб олуб вә бу бәјанатын верилмәси илә нәтиҹәләнибдир.
342/
