АБНА24 Хәбәр Верир, мүраҹиәтдә дејилир ки, 2020-ҹи ил февралын 25-дә Бакыда имзаланмыш “Азәрбајҹан Республикасы Һөкумәти илә Түркијә Республикасы Һөкумәти арасында гаршылыглы олараг визадан азад етмә һаггында Сазиш” 2020-ҹи ил августун 13-дә гүввәјә минәҹәк. Сазишә әсасән, гаршылыглы олараг Азәрбајҹан Республикасы вә Түркијә вәтәндашлары бир-биринин әразисинә дахил олмаг, транзит кечмәк, өлкәдән ҝетмәк вә мүвәггәти галмаг үчүн 90 ҝүн мүддәтинә виза тәләбиндән азад едилирләр. Мүвафиг өлкә әразисиндә дохсан ҝүндән чох мүддәтә галмаг истәјән шәхсләр мүвәггәти јашама иҹазәси алмаг үчүн әввәлҹәдән мүраҹиәт етмәлидирләр. Һәр ики өлкә вәтәндашларына мәхсус паспортлар мүвафиг өлкә әразисинә ҝириш тарихиндән етибарән азы алты ај етибарлылыг мүддәтинә малик олмалыдыр. Һәр ики өлкә вәтәндашлары милли ганунвериҹиликдән ирәли ҝәлән гајда вә проседурлара риајәт етмәлидирләр. Азәрбајҹанд Республикасында 15 ҝүндән артыг мүвәггәти олан Түркијә вәтәндашлары олдуғу јер үзрә гејдијјата алынмалыдырлар. Һәмчинин визадан азад етмә ишләмәк вә ја һәр һансы пешә фәалијјәти илә мәшғул олмаг һүгугу вермир. Азәрбајҹан Республикасы әразисиндә һаггы өдәнилән әмәк фәалијјәти илә мәшғул олмаг истәјән Түркијә вәтәндашларына мөвҹуд гајдалара ујғун олараг ишәҝөтүрәнләр тәрәфиндән иш иҹазәси алынмалыдыр (иш иҹазәсинин алынмасы тәләб олунмајан һаллар истисна олмагла).
342/
