АБНА24 Хәбәр Верир, -нин билдирдијинә ҝөрә Иранын "Ҝәнҹ Журналистләр Клубу"нун јајдығы мәлуматда дејилир: Доналд Трамп Портләнд шәһәрини "террорчу јувасы" вә иргчилик әлејһинә етираз едән шәһәр әһалисини "террорчу" адландырмасындан бир ҝүн сонра, бир даһа онлара һәдә-горху ҝәлиб. Трамп тәһдид едәрәк дејиб: Әҝәр Портләнд күчәләрини тәрк етмәсәниз биз даһа ҝүҹлү васитәләрдән истифадә едәҹәјик. Долајысы илә Портләнд шәһәринә гвардија гүввәләринин ҝөндәрилмәсинә ишарә едән Трамп бу һәрәкәтини "башга чарәмиз јохдур, чүнки солчу ифратчылар мүхтәлиф шәһәрләрдә иғтишашлар төрәдирләр" дејә әсасландырмаға чалышыб. Трамп сөзләринин давамында бәзи иғтишашчылары пешәкар тәхрибатчы адландырыб вә онларын атдыглары консерва гутуларынын полисә бөјүк хәсарәт јетирә биләҹәјин иддиа едиб. АБШ-ын рәсми даирәләри өлкә шәһәрләрини бүрүјән иргчилик әлејһинә етираз аксијаларынын јатырдылмасы үчүн хүсуси тәјинатлы гүввәләрин ҝөндәрилмәси мәсәләсинин Трампын сечимләриндән бири олдуғуну билдирирләр.
342/
