АБНА24 Хәбәр Верир, Һәсән Руһани бу ҝүн Назирләр Кабинетинин иҹласында дејиб: "Шүбһәсиз сәрнишин тәјјарәсинин јанына гырыҹы тәјјарә ҝөндәрән өлкә һава терроризми һәјата кечириб вә Бејнәлхалг Мүлки Авијасија Тәшкилаты ИКАО, Тәһлүкәсизлик Шурасы вә диҝәр өлкәләр она бир террорчу кими јанашмалыдырлар. Иран президенти АБШ тәрәфиндән белә бир һәрәкәтләрин кечмишдә дә баш вердијини сөјләјиб вә дејиб: "Бу фитнә вә ојунлар Иран гаршысында сынадыглары мүхтәлиф јолларын ифласа уғрамасына ҝөрә төрәдилир". Иран президенти, һәмчинин АБШ-ын Ирана гаршы силаһ ембаргосунун мүддәтинин узадылмасына даир ҹәһдләринә дә тохунуб. "Бејнәлхалг тәшкилатларда Иран Ислам Республикасына гаршы бир гәтнамәнин гәбул олунмасы ардынҹадырлар вә бизи 2231 сајлы гәтнамә вә нүвә анлашмасындан әлдә етдијимиз һүгугумуздан јәни силаһ ембаргосунун сона чатмасындан мәһрум етмәк нијјәтиндәдирләр", - дејә Руһаны әлавә едиб. Дөвләт башчысы сонра дејиб: "Онлар гәтнамәнин гәбул олунмасы үчүн ордан-бурдан диләнчилик едирләр, гәрбә вә шәргә дөғру ҝедирләр, онун-бунун гаршысында бојун әјирләр, сәһәрдән ахшамадәк бир дәллал кими АҒ Евдән мүхтәлиф өлкәләрә ҝедирләр вә она -буна зәнҝ еләмәклә чалышырлар, Лакин әлһәмдүлилаһ ки, бу ҝүнә гәдәр һеч бир наилијјәт әлдә едә билмәјибләр". Руһани мүввәфәг олаҹаглары тәгдирдә, Иран Ислам Республикасынын гәтијјәтли ҹавабы илә үзләшәҹәкләрини вурғулајб. Ијулун 23-дә Иранын имам Хомејни адына һава лиманындан Бејрута учан Маһан Авиаширкәтинә мәхсус 1152 сајлы рејсә гаршы ики АБШ гырыҹысынын Сурија үзәриндә һүҹум етмәси вә бу сәрнишин тәјјарәсинин пилотунун тәҹавүзкар гырыҹыларла тоггушмасын дејә, гәфил маневри нәтиҹәсиндә сәрнишинләрдән бир нечәси хәсарәт алыб.
342/
