АБНА24 Хәбәр Верир, Мајк Помпео бу ҝүн сәһәр тездән бир твиттер месажында јазыб: Ҹәнуби Чин дәнизи Чин дәниз империјасына аид дејилдир. Помпео сонра јазыб: Ҹәнуби Чин дәнизи барәдәки ихтилафлар бејнәлхалг ганунлар јолу илә һәлл едилмәлидир. АБШ-ын дөвләт катиби сон һәфтәләр әрзиндә Чинә гаршы әдавәти вә дүшмәнчилијини даһа чох бүрузә вериб вә Чинлә мүбаризә апармаг үчүн јени бејнәлхалг коалисијанын јарадылмасыны истәјибдир. Чин хариҹи ишләр назири «Ван И» дә Американын Ҹәнуби Чин дәнизи мәсәләләринә гарышмасына реаксијада билдирибдир ки, Вашингтон бу дәниздә ҝәрҝинлији артырмагда вә реҝионал һәмрәјлији зәифләтмәкдәдир. Буна ҝөрә, реҝион өлкәләри Американын тәфригәсалмалары гаршысында сајыг олмалыдырлар. Чин, Вјетнам, Филиппин, Тајван, Индонезија, Малајзија вә Брунеј нефт вә газ еһтијатлары илә ашыб-дашан Ҹәнуби Чин дәнизиндән ҝениш бир һиссәнин мүлкијјәти барәдә фикир ајрылығына маликдирләр. Америка да Ҹәнуби Чин дәнизи мәсәләләринә гарышмагла реҝионда ҝәрҝинлик јаратмаг вә ихтилаф салмаг нијјәтиндәдир.
342/
