АБНА24 Хәбәр Верир, Бу jахынларда Азәрбаjҹан Республикасы вә Ермәнистанын һәрби гүввәләри арасында jенидән тоггушма баш вериб ки, нәтиҹәдә бир нечә һәрбчи өлүб вә jа jараланыб. Бакы вә Ирәван аjры-аjрылыгда һәр бири гаршы тәрәфи мүнагишәнин башланмасында ҝүнаһландырыр. Иран Ислам Республикасы президентинин Администрасиjасынын рәһбәри Маһмуд Ваизи дүнән ҝеҹә өзүнүн твиттер сәһифәсиндә jазыб: "Ермәнистан-Азәрбаjҹан сәрһәддиндә ҝедән дөjүшләр ики өлкәнин мараглары вә реҝионун сабитлиjини үчүн тәһдиддир вә нараһатлыг доғурур". О, сонра деjиб: "Иран Ислам Республикасы Бакы вә Ирәван арасындакы васитәчилик кечмишини вә гоншулуг әлагәләрини нәзәрә алараг, бу саһәдә әллиндән ҝәләни әсирҝәмиjәҹәк". Иран Ислам Республикасынын хариҹи ишләр назири Мәһәммәд Ҹавад Зәриф дә дүнән Азәрбаjҹанын хариҹи ишләр назири Елмар Мәммәдjаров вә Ермәнистанын хариҹи ишләр назири Зөһраб Мнатсаканjанла аjры-аjрылыгда апардығы телефон данышығы заманы ики тәрәфи тәмкинли олмаға вә мүнагишәнин динҹ jолла һәлли истигамәтиндә диалоглары башлатмаға төвсиjә едәрәк, Иран Ислам Республикасынын ҝәрҝинлиjә сон гоjмаг үчүн көмәк етмәjә һазыр олдуғуну билдириб.
342/
