АБНА24 Хәбәр Верир, Иранын Хариҹи Ишләр Назирлиjинин мәтбуат катиби Сеjид Аббас Мусәви ҹүмә ҝүнү Исфаһан шәһәриндә чыхышы заманы деjиб: "Иранлылар тарих боjу сүлһсевәр инсанлар олублар вә бунун бариз нүмунәсини өзүнүн сон миссиjасында Бағдада, реҝионда сүлһ вә сазиш jаратмаг үчүн сәфәр етмиш ҝенерал-леjтенант шәһид Гасим Сүлеjманинин давраныш вә инанҹларында ҝөрмәк мүмүкүндүр". Иранын дүнjада сүлһ вә достлуг jаратмаг истигамәтиндәки сәjләринә тохунан, Мусәви геjд едиб ки,Иранын Әфганыстана һөкумәт гурмаг үчүн етдиjи jардымлар, һәмчинин Ирагда сүлһүн бәргәрар едилмәси вә Суриjада бүтүн суриjалыларын диалогу үчүн ҝөстәрдиjи сәjләрин һамысы иранлыларын сүлһсевәрлиjинә дәлаләт едир. Иранын Хариҹи Ишләр Назирлиjинин мәтбуат катиби, дүшмәнләрин бүтүн анти-Иран тәблиғатларына рәғмән, Иран Ислам Республикасынын халгы, һәрби гүввәләри вә дипломатларынын даjаныглы сүлһүн тәрәфдары олдуғуну вурғулаjыб.
342/
