АБНА24 Хәбәр Верир, АБШ Үмумдүнjа Сәһиjjә Тәшкилатындан рәсмән аjрылыб. Буну Нjу Ҹерсидән сенатор вә Америка Сенатын Хариҹи Әлагәләр Комитәсинин үзвү Боб Менендез билдириб. Онун сөзләринә ҝөрә, Доналд Трамп администрасиjасы АБШ-ын Үмумдүнjа Сәһиjjә Тәшкилатындан рәсмән чыхдығына даир Конгреси мәлуматландырыб. Диҝәр тәрәфдән, Америка мәтбуатына данышан вә ады ачыгланмаjан бир Ағ Ев рәсмиси исә рәсми чәкилмәнин базар ертәсиндән етибарән гүввәjә минәҹәjини вә рәсми билдиришин Бирләшмиш Милләтләр Тәшкилатынын Баш катиби Антонио Ҝутерресә ҝөндәрилдиjини деjиб. Геjд едәк ки, Трамп апрелин 14-дә Үмумдүнjа Сәһиjjә Тәшкилатыны ҸОВИД-19 епидемиjасы илә мүбаризә апармамагда вә Чинә jахын олмагда ҝүнаһландырараг, тәшкилата малиjjә дәстәjини даjандырдыгларыны елан едиб. Маjын 18-дә һәмин тәшкилатын баш директоруна мәктуб ҝөндәрән Трамп, әһәмиjjәтли ислаһатлар апармаса АБШ-ын бу тәшкилата вердиjи вәсаитин 30 ҝүн сонра дондурулаҹағыны билдирмишди. Анҹаг Трамп, вердиjи вахт баша чатмадан маjын 29-да "Бу ҝүн Үмумдүнjа Сәһиjjә Тәшкилаты илә мүнасибәтләримизә сон гоjуруг" ачыгламасыны вериб.
342/
