АБНА24 Хәбәр Верир, Иранын сәһиjjә назирлиjинин сөзчүсү Сима Садат Лари бу ҝүн өлкәдә коронавируса jолуханларын сон саjы барәдә деjиб: Гәти диагноз меjарларына әсасән, өтән сутка әрзиндә өлкәдә ики мин 613 jени коронавирус хәстәси ашкар едилиб . 1468 нәфәр хәстәханаjа jерләшдирилиб, галанларына исә амбулатор хидмәт ҝөстәрилибдир. Лари билдириб ки, Иранда коронавируса jолуханларын үмуми саjы 243 мин 51 нәфәрә чатыбдыр. О, һәмчинин өтән сутка әрзиндә 160 хәстәнин вәфат етмәсинә ишарә едиб. Деjиб ки, Иранда коронавирусдан өләнләрин үмуми саjы он бир мин 731 нәфәрә чатыбдыр. Иранын сәһиjjә назирлиjинин сөзчүсү геjд едиб ки, индиjәдәк 204 мин 83 нәфәр сағалыб вә хәстәханалардан бурахылыбдыр. Дүнjада коронавируса jолуханларын саjы да он бир милjон 580 мин нәфәри өтүб кечибдир. Онлардан тәгрибән 538 мин нәфәр һәjатыны итириб, азы 6 милjон 550 мин нәфәр дә сағалыб вә хәстәханалардан бурахылыбдыр.
342/
