АБНА24 Хәбәр Верир, «Әсаиб Әһлулһәгг» һәрәкатынын рәһбәрләриндән олан Ҹавад Әлтәлибави Ираг Һизбуллаһы баталjонларынын гәрарҝаһына һүҹуму одла оjун адландырыб вә онун нәтиҹәләри һагда хәбәрдарлыг едибдир. Ираг парламентиндә Һикмәт фраксиjасынын нүмаjәндәси Һәсән Фәдәм исә деjиб: Һәшдушшәби гүввәләринин гәрарҝаһына басгын вә бу гүввәләрдән бир групунун һәбс олунмасы тәһрикедиҹи һәрәкәтдир вә онун ахыры jахшы олмаjаҹагдыр. Әрәб истифадәчиләрдән бир групу да твиттер-дә «Бизим мүбаризләримиз бизим гырмызы хәттимиздир!» кими һаштаглары тренд етмәклә Һәшдушшәби гүввәләринә өз дәстәjини елан едибдир. Америкалы террорчу гүввәләр бу ҝүн сәһәр тездән 40 зиреһли автомобил вә Американын нәзарәти алтында олан Ирагда терроризмлә мүбаризә гүввәләринин дәстәjилә Ираг Һизбуллаһы баталjонларынын Бағдадын Әлдурә бөлҝәсиндә jерләшән гәрарҝаһына һүҹум едибләр. Америкалы террорчулар бу басгында «Кәтаиб Һизбуллаһ» үзвләри вә командирләриндән азы он үч нәфәри һәбс едибләр. Бу һәрәкәт Һәшдушшәби гүввәләринин реаксиjасы илә үзләшиб вә онлар Бағдадын jашыл бөлҝәсинә дахил олублар. Сон мәлуматлара ҝөрә, Һәшдушшәби гүввәләринин реаксиjасынын ардынҹа һәбс олунмуш гүввәләр азад едилибләр.
342/
