Абна24 хәбәр верир, Иран Ислам Республикасынын президенти Һәсән Руһани иjунун 14-дә Назирләр Кабинетинин иҹласында АБШ-ын Беjнәлхалг Атом Енержиси Аҝентлиjи вә Тәһлүкәсизлик Шурасына нүфуз етмәк ҹәһдләрини тәхрибатчы һәрәкәт кими дәjәрләндириб вә вурғулаjыб: "АБШ ӘМТП-нын наилиjjәтләринә һар һансы бир хәләл ҝәтирәрсә, Иранын реаксиjасынын нә олаҹағыны башга өлкәләр jахшы билирләр". Руһани үмидварлыг едиб ки, БМТ вә МАГАТЕ-нин бүтүн үзвләри бүтүн үзвләри АБШ-ын бу һагдакы фитнәләрини там баша дүшәҹәкләр. Сөзләринин давамында Иран Ислам Республикасы президенти Иранын Беjнәлхалг Валjута Фондан Кредит истәмәсинә тохунуб вә Беjнәлхалг Валjута Фондунун АБШ тәзjигләри гаршысында даjанмалы вә өз өһдәликләринә әмәл етмәли олдуғуну вурғулаjыб. ТШ-нин 2231 саjлы гәтнамәсинин тәркиб һиссәси олан Ирана гаршы силаһ ембаргосунун ҹари илин 18 октjабр тарихиндә ләғв едилмәсинә jахынлашдыгҹа, америкалылар онун гаршысыны алмаг үчүн сәjләрини икигат артырыб. АБШ-ын 2018-ҹи ил маjын 8-дә рәсмән вә БМТ-нин ТШ-нин 2231 саjлы гәтнамәсинә мәһәл гоjмадан Иранла нүвә анлашмасындан чыхмасына бахмаjараг, бу өлкә jени бир һүгуги тәфсирә әсасән, сөзү ҝедән гәтнамәнин мүддәаларына ҝөрә, һәлә дә Иранла нүвә анлашмасынын тәрәфләриндән олдуғуну вә бу анлашмада нәзәрдә тутулан механизмләр, о ҹүмләдән Тәтик механизминдән истифадә етмәк һүгугуна малик олдуғуну иддиа едир.
342/
