АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ирагын мүштәрәк әмәлиййат гәрарҝаһынын сөзчүсү бригада ҝенералы Тәһсин Әлхәфаҹи Әлмәлумә хәбәр порталы илә мүсаһибәдә дейиб ки, бу гәрарҝаһ Ирагын рәсми һәрби гүввәләринә гаршы һүҹуму дүшмәнчилик һәрәкәти һесаб едир.
Әлхәфаҹи сонра дейиб ки, бу тәҹавүздән сонра бейнәлхалг коалисийа илә һәмкарлыг дайандырылыр.
О вурғулайыб ки, һеч бир тәрәф Әлтаҹи һәрби базасына гаршы һүҹумун мәсулиййәтини гәбул етмәйиб.
Әлтаҹи базасы өтән чәршәнбә ҝүнү азы он ракет һүҹумунун һәдәфинә чеврилиб. Бу һүҹумда бир инҝилис һәрбчи, һәмчинин бир американ подратчы вә бир һәрбчи өлүб, он ики нәфәр дә йараланыбдыр.
Һәрчәнд Һәшдушшәби бу һүҹумла һәр ҹүр әлагәсини рәдд едиб, амма американ гырыҹылар ҹүмә ахшамы вә ҹүмә ҝүнләри дәфәләрлә Һәшдушшәби-нин вә Ираг ордусунун бу өлкәнин мүхтәлиф бөлҝәләриндәки мөвгеләрини һәдәфә алыблар. Нәтиҹәдә онларла нәфәр өлүб вә йараланыбдыр.
Дүнән сәһәр тездән дә Әлтаҹи базасы ракет һүҹумлары һәдәфинә чеврилибдир.
.............
340
16 mart 2020 - 09:52
Xəbər kodu: 1017983
Ирагын мүштәрәк әмәлиййат гәрарҝаһы ираглы һәрби гүввәләрә гаршы сон һүҹумуна ҝөрә, анти-ИШИД адлы американ коалисийа илә һәмкарлығынын дайандырылмасындан хәбәр вериб.
