АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Бу ҝүн Теһранда Һолландийанын хариҹи ишләр назири Стеф Блок илә ҝөрүшән Һәсән Руһани сонра билдириб ки, Американын нүвә анлашмасындан чыхмасы реҝион вә дүнйа халгларынын, һәмчинин Америка халгынын өзүнүн зәрәринә олубдур.
“Һамы нүвә анлашмасынын горунмасына чалышмалыдыр” дейән Руһани гейд едиб ки, Иран бу саһәдә Авропа Бирлийи илә диалог йолуну бағламайыбдыр.
Американын Ирана гаршы ганунсуз вә биртәрәфли санксийалар тәтбиг етмәсинә ишарә едән Руһани сөйләйиб: Американын залымҹасына санксийалары һәтта Иран халгынын дәрман вә йемәйини дә әһатә едиб вә дүнйанын азадлыгсевәр халгларынын айдын сәслә бу ганунсуз санксийалары писләйәҹәкләри ҝөзләнилир.
Иран Ислам Республикасынын президенти һәмчинин Гәрби Асийа бөлҝәсиндәки әмин-амансызлығын көкүнү Американын бу бөлҝәдә иштиракы вә рәфтары адландырыб вә белә дейиб: Әҝәр Америка өзүнүн гейри-дүзҝүн мүдахиләләри вә террор ҹинайәтләринә сон гойарса, Гәрби Асийа тәбии олараг әмин-аман олаҹагдыр.
Руһани вурғулайыб: Гәрби Асийанын тәһлүкәсизлийи бу реҝион өлкәләри тәрәфиндән горунмалыдыр вә хариҹи гүввәләрин мүхтәлиф коалисийалар ады алтында Фарс Көрфәзи бөлҝәсиндә иштираклары реҝионун тәһлүкәсизлийинин зәрәринәдир.
Һолландийанын хариҹи ишләр назири Стеф Блок да бу ҝөрүшдә нүвә анлашмасынын бейнәлхалг бир анлашма кими горунмасы ваҹиблийини вурғулайыб. Гейд едиб ки, Американын нүвә анлашмасындан чыхмасы дүзҝүн һәрәкәт дейилди.
Өлкәсинин нүвә анлашмасынын горунмасына сәй ҝөстәрәҹәйини билдирән Һолландийанын хариҹи ишләр назири дейиб: Данышыглары давам етдирмәлийик. Мүзакирә проблем вә ихтилафларын һәлл йолу ола биләр.
.............
340
23 fevral 2020 - 10:02
Xəbər kodu: 1012500
Иран Ислам Республикасынын президенти дейиб ки, Американын нүвә анлашмасындан чыхмасындан сонра Авропа Бирлийи бу анлашмада өз өһдәликләринин иҹрасы истигамәтиндә тәсирли аддымлар ата билмәди.
