Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Үмүмдүнја Әһли Бејт (ә) Ассамблејасынын Баш Катиби, Ајәтуллаһ Рамазани ҹәнаблары Ҝилан әјаләтинин мәркәзи шәһәри Рәштдә јерләшән "Шаһид вә Исар" адына һүсејнијјәсиндә шәһид Сүлејманинин хатирәсинә даир кечирилән аным мәрасиминдә чыхыш едибләр.
Ајәтуллаһ Рамазани шәһид Сүлејмани илә видалашма вә дәфн мәрасиминдә милјонларла инсанларын иштирак етдијинә ишарә еәдрәк билдирибләр: "Американын бу террор ҹинајәти, дүнја империализиминин Иран әлејһинә тарих боју кечиртдији ҹинајәтләр сијаһысына әлавә олду."
Ајәтуллаһ Рамазани, Сәрдар Сүлејманинин сабитлији горујан вә террора гаршы мүбаризә апаран бир шәхсијјәт олдуғуна ишарә едәрәк, һамынын һәтта Америка вә авропалылар белә Сәрдара тәшәккүр етмәјә борҹлу олдугларыны билдирәрәк дејиб: "Сәрдар Сүлејмани гәрбин истеһсал етдији зоракылыг мәдәнијјәтини мәһв едәрәк арадан галдырды. Һаҹ Гасым Сүлејмани бәшәријјәтин надир хиласкар шәхсијјәтләриндән биридир. Лакин буна бахмајараг Америка вә авропалылар онун адыны террорчу Әбу Бәкр әл Бағдади илә бирликдә чәкирләр."
Сәрдар Сүлејмани террора гаршы апардығы мүбаризәләрдә хејли инсанларын ҹаныны, намусларыны горујуб һифз етдијинә ишарә едән Ајәтуллаһ Рамазани дејиб: "Шәһид Сүлејмани, тәкҹә бир ҝүн әрзиндә 1700 нәфәрин башыны кәсиб, 2000 гадына тәҹавүз едән ИШИД-и јер үзүндән силән симадыр."
Үмүмдүнја Әһли Бејт (ә) Ассамблејасынын Баш Катиби, Сәрдар Сүлејманинин шәһадәти илә Мүгавимәт Ҹәбһәсинин бејнәлхалглашдығына ишарә едәрәк дејибләр: "Дүнја империалист гүввәләри бу ҝүн мүасирлик шүары илә дүнја халгларыны гула чевирмишдир. Америка "зоракылыгла мүбаризә" шүары илә бәшәријјәт әлејһинә ән горхунҹ ҹинајәтләри төрәдир."
Диггәт: Хәбәрдән истифадә етдикдә мәнбәјә истинад лазымдыр!
