Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Ираг Силаһлы Гүввәләри команданлығынын нүмајәндәси дүнән Ирагын пајтахты Бағдадда Иран Ингилабы Кешикчиләри Корпусунун (СЕПАҺ) "Гүдс" ганадынын команданы, ҝенерал Гасим Сүлејмани вә "Һәшд Шаби" гүввәләринин командан мүавини Әбу Меһди Мүһәндисин АБШ тәрәфиндән өлдүрүлмәсијлә бағлы мүһүм ачыгламалар вериб.
Ираг Силаһлы Гүввәләри баш команданынын нүмајәндәси Әбдүлкәрим Хәләф вердији ачыглама замны билдириб ки, ҝенерал Гасим Сүлејмани вә Әбумеһди Мүһәндисин өлдүрүлмәси илә әлагәдар истинтаг комитәси әһәмијјәтли ирәлиләјишләр әлдә едиб: "Бу комитә диҝәр тәрәфләрә дәрин арашдырмалар пәнҹәрәси ачыр.
Әбумеһди Мүһәндис вә Гасим Сүлејманинин өлдүрүлмәси илә бағлы истинтаг Ирагын һүдудларындан кәнара чыха биләр вә комитәнин истинтагы һәлә битмәјиб. Истинтаг комитәси террору там арашдырдыгдан сонра Ираг Баш Назиринә јекун һесабаты тәгдим едәҹәк".
Диггәт: Хәбәрдән истифадә етдикдә мәнбәјә истинад лазымдыр!
