Ислам Ингилабынын Бөјүк Рәһбәри Теһран бејнәхалг китаб сәрҝисини нәзәрдән кечирдикдән сонра дејибләр ки, өлкәдә мәдәни мүһитин јарадылмасы китаба еһтијаҹ дујур вә виртуал мүһитин јајылмасына бахмајараг, китаб өз јүксәк јериндә дурмагда давам едир.
Һәзрәт Ајәтуллаһулузма Хаменеи үч илдән вә корона мәһдудијјәтләри битдикдән сонра бу ҝүн Имам Хомејни(р.ә.) адынада мүсәллада олуб вә Теһран бејнәхалг китаб сәрҝисини нәзәрдән кечирибләр.
Ингилаб Рәһбәри бу бахышын сонунда ЫРЫБ мүхбири илә мүсаһибәдә сөјләјибләр: Һәр ил кечирилән китаб сәрҝиси бөјүк бир халг топлантысыдыр. Онун басилиҹа ҹәһәти, мәдәнијјәтдир вә бу мәсәлә, сон дәрәҹә шөвгјарадан вә разысалан бир мөвзудур.
Китаб нәшри иши бәзи гејри-мүнасиб саһәләрин әксинә олараг, инкишаф етмәкдәдир- дејә, о һәзрәт әлавә едибләр.
Һәзрәт Ајәтуллаһулузма Хаменеи гејд едибләр ки, бу гәдәр игтисади вә она бәнзәр проблемләрин олмасына рәғмән, китаб адлары вә үнванлары јүксәлибдир.
Ислам Ингилабынын Бөјүк Рәһбәри вурғулајыблар ки: Бүтүн инҹәсәнәт, медиа вә мәдәнијјәт саһәләри, о сырадан театр, кино вә һәтта рәссамлыг, һәмчлнин радио вә телевизија ишләринин китаба еһтијаҹлары вар. Китабла мәшғул олан бир кәс јахшы бир инҹәсәнәт вә медиа ишинә малик ола биләр.
О һәзрәт һабелә сөјләјибләр: Ушаг вә јенијетмә китаблары мәсәләси барәдә дә тәкид едирәм. Хошбәхтликдән ҝөрдүм ки, бир нечә павилјонда вә бу мәсәләд ишләр ҝөрүлүб. Јенә дә тәкид едирәм ки, ушаглар вә јенијетмәләр үчүн әлләриндән ҝәлән гәдәр китаб ишләјиб һазырласын вә бизи әҹнәби китаблара еһтијаҹсыз етсинләр ки, јенијетмәләримизин ихтијарына өз һәдәфләримиз, истигамәтләримиз вә мәдәнијјәтимизә малик китаблар гојмуш олаг.
Ингилаб Рәһбәри дејибләр: Хүсусән чап олунан мүгәддәс мүдафиә вә һәрәм мүдафиәси илә бағлы хатирәләр китабы олдугҹа дәјәрлидир. Бу, китаб истеһсалы вә китабјаратманын јени бир нөвүдүр ки, әлһәмдүлиллаһ, јахшы ишә дүшүбдүрр. Ханым јазарлар да бу саһәдә чох фәалдырлар. Чох јахшы јазылары вар вә онлардан да чох китаб охујурам.
342/