АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи дүнән ҝеҹә Ислам Ингилабы Кешикчиләри Корпусу- Сепаһ-ын Гүдс гүввәләринин команданы ҝенерал-лейтенант пасдар шәһид Гасем Солейманинин мәнзилиндә олараг, шәһидин аиләсини нәвазиш едиб вә о йүксәк дәрәҹәли вә садиг мүбаризин шәһадәтилә бағлы башсағлығы верибләр.
Ислам Ингилабынын Бөйүк Рәһбәри ҝенерал Солейманинин, дүнйанын ән хәбис шәхсләри, йәни америкалыларын әли илә шәһид едилмәси вә онларын бу ҹинайәтлә ифтихар етмәләрини о шүҹаәтли мүбариз үчүн йүксәк бир өзәллик адландырыблар. Гейд едибләр ки, онун ҹиһады бөйүк бир ҹиһад иди вә Аллаһ-Таала да онун шәһадәтини бөйүк бир шәһадәт гәрар верди.
Һәзрәт Айәтуллаһулузма Хаменеи сөйләйибләр: Бу бөйүк немәт она лайиг иди вә она нуш олсун. Һаҹы Гасем елә бу ҹүр шәһид олмалы иди.
О һәзрәт бүтүн Иран халгынын үрәкләри вә ҝенерал шәһидин аиләсинин үрәкләринә сәбир диләйәрәк, әлавә едибләр: Бу ҝүн ҝөрдүнүз ки, өлкәнин мүхтәлиф шәһәрләриндә әһали нә һәҹмдә вә һөрмәт илә күчәләрә чыхды. Мүшайиәт мәрасимини дә ҝөрәҹәксиниз. Бу немәтләр бизим ҝөзләримиз өнүндәдир ки, шәһадәтин дәйәрини билмиш олаг.
Ислам Ингилабынын Бөйүк Рәһбәри вурғулайыблар ки, хариҹи ҹиһад ҹиһади-әкбәрә, йәни дахили ҹиһада сөйкәнир. О һәзрәт шәһидин гызына хитабән дейибләр: Бүтүн халг сизин атаныза миннәтдар олараг, онун матәминә гәрг олуб вә бу гәдирбилмә о инсанда мөвҹуд олмуш бөйүк бир сәдагәт нәтиҹәсиндә олубдур, зира үрәкләр Аллаһын әлиндәдир вә сәдагәт олмадан инсанларын үрәкләри бу ҹүр һисс етмәйәҹәкләр.
..........
340
4 yanvar 2020 - 10:47
Xəbər kodu: 999201
Ислам Ингилабынын Бөйүк Рәһбәри шәһид Солейманинин сәдагәти вә фәдакарлығына ишарә едиб вә белә дейибләр: Һаҹы Гасем дәфәләрлә шәһадәтә мәруз галмышды, амма Аллаһ йолунда вә тапшырығын вә ҹиһадын йеринә йетирилмәсиндә һеч кәс вә һеч нәдән горхмурду.
