АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Бәһрейн Ислам Һәрәкатынын рәһбәри Шейх Иса Гасим базар ҝүнү декабрын 29-у дейиб ки, сийаси мәһбусларын азад олунмасы бөһранын һәлли демәк дейил вә онларын азадлыға бурахылмасы илә йалныз сахланыланларын ишләри бағланылыр вә галан ишләр һәртәрәфли сийаси һәлл йолунун тапылаҹағы ҝүнә гәдәр ачыг галаҹагдыр.
Шейх И.Гасимин сөзләринә ҝөрә, өз сийаси, ислами, милли вә инсани һүгугларыны тәләб едән бәһрейнли фәаллары һәбс етмәк ҹинайәтдир.
Әл-Вифаг Милли-Ислами Ҹәмиййәтинин баш катиби Шейх Әли Салманын һәбсинә тохунан Бәһрейн Ислам Һәрәкатынын рәһбәри гейд едиб ки, отураг аксийалар, йүрүш вә нүмайишләрдә иштирак етмәк бәһанәси илә инсанлары һәбс етмәк ачыг зүлмдүр вә Шейх Әли Салманын сахланылмасы да бунун бариз нүмунәсидир.
Али-Хәлифә режиминин мәһкәмәси 2018-ҹи ил октйабрын 24-у Шейх Әли Салманы Гәтәрә ҹасуслуг кими әсассыз иттиһамларла өмүрлүк һәбсә мәһкүм едиб.
Бәһрейнин Әл-Вифаг Ҹәмиййәти бу йахынларда бир мәрузә йайараг, Бәһрейн һәбсханаларында азы 5 мин сийаси мәһбусун олдуғуну билдириб вә үстәлик тәһлүкәсизлик гүввәләринин етиразчыларын евләринә ҝүндәлик басгынларынын һәлә дә давам етдийини диггәтә чатдырыб.
.........
340
31 dekabr 2019 - 10:33
Xəbər kodu: 997884
Бәһрей Ислам Һәрәкатинин рәһбәри бүтүн сийаси мәһбусларын Али-Хәлифә режиминин һәбсханасындан азад едилмәсини тәләб едиб.
