АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, ИИР президенти Һәсән Руһани бу ҝүн Теһранда Һиндистанын хариҹи ишләр назири Сабраманиам Ҹайшанкар илә ҝөрүшүндә ики өлкәнин мүштәрәк әмәкдашлыглар комиссийасынын иҹласынын кечирилмәсинин ики өлкә арасында мүнасибәтләрин ҝенишләндирилмәсинә өз төһфәсини верәҹәйини билдирәрәк дейиб: Иран вә Һиндистанын сарсылмаз ирадәси нәтиҹәсиндә ҝәләҹәкдә ики өлкә арасында әлагәләр вә әмәкдашлыгларын даһа да инкишаф едәҹәйинә шүбһә йохдур.
Руһани реҝионун тәһлүкәсизлийинин тәмини вә горунуб сахланылмасынын Иран вә Һиндистан үчүн бөйүк әһәмиййәт кәсб етдийини билдирәрәк дейиб: Иран Ислам Республикасы чахнашмаларын азалдылмасы, реҝионда хүсусийлә Фарс көрфәзи вә Оман дәнизиндә давамлы тәһлүкәсизлийин тәмини вә мүһафизә едилмәсини дүшүнүр.
ИИР президенти Иран вә Һиндистанын диҝәр өлкәләрлә чох ҹәһәтли әмәкдашлыгларыны өнәмли адландырыб вә дейиб: Америка ҝеҹ-тез, президент сечкиләриндән өнҹә йахуд сонра Ирана гаршы максимум тәзйигдән әл чәкмәли олаҹаг.
Һиндистанын хариҹи ишләр назири дә ики өлкәнин дөвләт вә өзәл секторлары арасында әмәкдашлыгларын даһа да ҝенишләндирилмәсини вурғулайараг дейиб: Иран вә Һиндистан гәдим вә сәмими әлагәләрә маликдирләр.
Ҹаишанкар Иран вә Һиндистан банклары арасында әлагәләрин ҝенишләнмәсинин ики өлкәнин игтисади вә тиҹарәт әлагәләринә өз төһфәсини верәҹәйини вурғулайараг дейиб: Иран вә Һиндистанын Чабаһар лиманындакы әмәкдашлыглары ҝөзләнилән кейфиййәтдә давам едир вә бу әразидә лайиһәләрин иҹрасынын даһа да сүрәтләндирилмәси истигамәтиндә сәйләр һәйата кечирилмәлидир.
Иран вә Һиндистан Мештәрәк Игтисади Комиссийасынын иҹласы дүнән Теһранда ики өлкәнин ХИН башчыларынын иштиракы илә кечирилмишдир.
.........
340
24 dekabr 2019 - 10:38
Xəbər kodu: 996138
Иран Ислам Республикасы президенти Иран илә Һиндистан арасында мүнасибәтләрин даһа да ҝенишләдирилмәсинә тәкид едиб.
