АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сабитлик вә интеграсийа сечки гәрарҝаһы бир ачыгламада гейд едиб ки, мүстәгил сечки комиссийасы тәрәфиндән Әфганыстан президент сечкиләринин Әшрәф Гәнинин гәләбәсинә даир илкин нәтиҹәләринин елан олунмасы ганунсуз олараг, гәбуледиләси дейилдир.
Бу гәрарҝаһ Әфганыстан сечки комиссийасыны сахтакарлыгда вә сәсләрин сайылышында манипулйасийада иттиһам едиб. Вурғулайыб ки, сабитлик вә интеграсийа сечки гәрарҝаһы Әфганыстан халгынын пак сәсини мүдафиә едир вә бу саһәдә бүтүн гануни васитәләрдән истифадә едәҹәкдир.
Сон мәлуматлара ҝөрә, Әфганыстан мүстәгил сечки комиссийасынын сәдри бу ҝүн сәһәр Кабилдә кечирдийи бир мәтбуат конфрансында билдириб ки, Әфганыстан президенти сәсләрин әлли там йүздә алтмыш дөрд фаизини әлдә едәрәк, Әфганыстан президент сечкиләриндә верилмиш сәсләрин әксәр һиссәсини газаныбдыр.
Һәвваелм Нурестани әлавә едиб: Муһәммәд Әшрәф Гәни өндә ҝедир вә Абдуллаһ Абдуллаһ сәсләрин 39,52 фаизини газанараг, икинҹи йердә дурур.
Нурестани гейд едибдир ки, Ҝүлбәддин Һикмәтйар вә Рәһмәтуллаһ Нәбил исә мүвафиг олараг, үчүнү вә дөрдүнҹү йерләрдә ҝедирләр.
О, әлавә едиб ки, бу нәтиҹәләр гәти дейил вә дәйишилә биләр.
Әфганыстан президент сечкиләри сентйабрын 28-дә кечирилиб, амма онун нәтиҹәләринин елан олунмасы үч дәфә тәхирә салыныбдыр.
...........
340
23 dekabr 2019 - 10:46
Xəbər kodu: 995837
Абдуллаһ Абдуллаһын сәдрлик етдийи сабитлик вә интеграсийа сечки гәрарҝаһы Әфганыстан сечки комиссийасы тәрәфиндән елан олуан нәтиҹәләри рәдд едиб.
