АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһүл-үзма Хаменеи бу ҝүн минләрлә сәфәрбәр гүввә илә ҝөрүшдә сәфәрбәр гүввә һәфтәси мүнасибәти илә онлары тәбрик едәрәк билдирибләр: Дүшмәнләр сон мәкрли планы һазырламаг үчүн ағыр хәрҹләр өдәмәли олмушдулар вә планы тәхрибатлар, гәтл вә гулдурлуг һәрәкәтләри васитәси илә һәйата кечирмәк үчүн фүрсәт ҝөзләйирдиләр.
Онлар бензинин гиймәтинин артмасыны ҝөрдүкдә буну ҝөзләдикләри фүрсәт һесаб едәрәк, өз гошунларыны мейдана ҝәтирдиләр, амма Иран халгы өз әзәмәтли нүмайиши илә дүшмәнин бу һәрәкәтини мәһв етди.
Ислам Ингилабынын Бөйүк Рәһбәри тәкидлә билдирибләр: Иран халгынын мүхтәлиф шәһәрләрдәки әзәмәтли һәрәкәти дүнйанын залым гүввәләринә вә бейнәлхалг сионизмә бир йумруг олараг онлары ҝери отурмаг мәҹбуриййәтиндә гойду.
Һәзрәт Айәтуллаһүл-үзма Хаменеи һеҝемонийа гурулушунун Иран халгынын дүшмәни олдуғуну билдирәрәк дейибләр: Сәфәрбәр гүввәләр халг вә өлкә үчүн өнәмли олдуғуна ҝөрә, дүшмәнин мәкрли планлары вә нүфуз ҹәһдләринин һәдәфиндәдир вә онлар бу әзәмәтли һәрәкәти өз ичиндән әнҝәлләмәк истәйирләр, әлбәттә, һеч шүбһәсиз ки, бу мүбаризәдә сәфәрбәр гүввәләр галиб ҝәләҹәкләр.
Ислам Ингилабынын Бөйүк Рәһбәри Ислами гурулуша гаршы һәмишә тәһдидләрин мөвҹуд олмасынын сәбәби барәдә билдирибләр: Ислами гурулуш ислами дәйәрләр вә принсипләрдән мәншә алыр вә Ислам әдаләт вә азадлығын бирбаша байрагдарыдыр.
Һәзрәт Айәтуллаһүл-үзма Хаменеи Америка, Авропа вә диҝәр өлкәләрдә һеҝемонийа гурулушунун азадлыг вә әдаләтә зидд нүмунәләринә тохунараг билдирибләр: Һеҝемонийа гурулушу һәмишә халгларын мүстәгиллийинә гаршы чыхыб вә ону тәһгир едиб, бу саһәдә өз ниййәтини дилә ҝәтирмәкдән белә чәкинмәйиб. Американларын ачыг-ашкар дилә ҝәтирдикләри кими, онлар Сурийанын нефти үчүн Фәратын шәргинә дахил олублар, йахуд иҹазәсиз олараг Ирагдакы өз һәрби базаларына дахил олур вә бу өлкәнин дөвләтинә һеч етина етмирләр.
Ислам Ингилабынын Бөйүк Рәһбәри билдирибләр: Иранда сәфәрбәр гүввәләр кими ҝениш вә әзәмәтли бир топлум, йахуд онун бәзи өлкәләрдәки башга нүмунәләри диҝәр топлумларла мүгайисәдә даһа чох һеҝемонийа гурулушунун дүшмәнчиликләринин һәдәфиндәдир, буна Ирагдакы Һәшдүшшәби вә Ливандакы Һизбуллаһа гаршы мүхалифәтләри нүмунә ҝөстәрмәк олар.
..........
340
