АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сурийанын рәсми САНА информасийа аҝентлийи Һәләб вилайәтинин шимал-шәрг әтрафында йерләшән Әлбаб вә Әлраи шәһәрләринин әтрафындакы бөлҝәләрин намәлум гырыҹы-бомбардманчы тәййарәләр тәрәфиндән һәдәфә алынмаларыны тәсдиг едәрәк, билдириб ки, бу һүҹумларда мәгсәд, бөлҝәдәки нефт вә газ йатаглары олубдур.
Индийәдәк бу хәбәрин деталлары һагда бир мәлумат верилмәйибдир.
Сурийанын әксәр нефт вә газ йатаглары ИШИД террор групунун 2011-ҹи илдән мейдана ҝәлмәси илә өнҹә бу груплашма үнсүрләринин әлинә кечди вә ики ил олар ки, ИШИД-ин мәғлубиййәтилә Американын мүттәфиги кими Сурийа демократик гүввәләри бу йатаглара йийәләнибләр.
Бу хәбәр Нйу-Јорк Таймс гәзетинин Сурийанын шимал-шәргиндә АБШ-ын һәрби әмәлиййатынын башланмасы барәдә мәлумат вермәсиндән сонра йайылыр.
Нйу-Јорк Таймс гәзети дүнән һәрби рәсмиләрә истинадла йазыб: Америка гүввәләри Сурийанын шималында ИШИД гүввәләринә гаршы ири мигйасда анти-терроризм тапшырыгларыны бәрпа едибләр. АБШ һәрби гүввәләринин әмәлиййатынын бәрпасы хәбәри елә бир һалда йайылыр ки, Доналд Трамп өтән ики айда өз гүввәләрини ҝери чәкмәклә Түркийә гүввәләринин Сурийанын шимал бөлҝәләринә һүҹумуна баис олду.
..........
340
