АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, "Һүгуг мүдафиәчиси, Репрессийа вә Ишҝәнҹәләр Әлейһинә Комитәсинин координатору Огтай Ҝүлалыйевин һадисәси онун принсипиал иҹтимаи фәалиййәтинә сон вермәк вә башгаларында да горху йаратмаг мәгсәдилә төрәдилмиш суи-гәсд вә террор һадисәсидир."
Бу сөзләр "Репрессийа вә Иҝәнҹәләр Әлейһинә Комитә"нин топлантысында дейилиб.
Топлантыда сон ҝүнләрин репрессийа вә ишҝәнҹә фактлары, һүгуг мүдафиәчиси Огтай Ҝүлалыйевлә бағлы һадисәнин иҹтимаи арашдырмасына аид илкин гәнаәтләр вә бу истигамәтдә ҝөрүләҹәк ишләр, һәмчинин комитәнин гаршысында дуран әсас вәзифәләр мүзакирә едилиб.
Октйабрын 29-да Бакынын мәркәзиндә танынмыш һүгуг мүдафиәчиси Огтай Ҝүлалыйеви машын вуруб.О, кәллә-бейин травмасы алыб, бейнинә ган сызыб.
Бир нечә саатдан сонра Ҝүлалыйев комайа дүшүб. Октйабрын 30-да Бакыда невро-ҹәрраһиййә әмәлиййаты едилиб.
Огтай Ҝүлалыйеви мүайинә етмәк үчүн нойабрын 5-дә Һейдәр Әлийев Фондунун дәвәтилә ҝәлән түркийәли мүтәхәссисләр онун мүалиҹә үчүн Түркийәйә апарылмасыны төвсийә едибләр.
Нойабрын 6-да о, АЗАЛ ширкәтинин хүсуси рейсилә Истанбула апарылыб вә “Аврасийа” клиникасына йерләшдирилиб. Аиләси һүгуг мүдафиәчисинин вәзиййәтинин критик олдуғуну дейир.
.........
340
