АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранын Атом Енержиси Тәшкилаты бир ачыгламада билдириб ки, Иран Ислам Республикасы президентинин уран зәнҝинләшдирилмәси үчүн Фордо нүвә тәсисатларынын йенидән фәалиййәтә башламасына даир сәрәнҹамы илә ҹүмә ахшамы ҝүнүнүн илк дәгигәләриндән бу сайтда сентрифуга машынларына вә һалгалара газын верилмәси вә зәнҝинләшдирилмиш уранын топланмасы әмәлиййаты башланды.
Иранын Атом Енержиси Тәшкилатынын билдиришинә әсасән, Шәһид Әлимоһәммәди адына Фордо нүвә тәсисатларында нүвә зәнҝинләшдирилмәсилә бағлы бүтүн аддымлар МАГАТЕ-нин нәзарәти алтында һәйата кечирилибдир.
Чәршәнбә ҝүнү Иранын нүвә анлашмасы өһдәликләринин азалдылмасы үзрә 4-ҹү аддымынын атылмасы истигамәтиндә Атом Енержиси үзрә Бейнәлхалг Аҝентлийин нәзарәти алтында УФ6 – “Уран Һехафлуорид” газындан тәгдибән 2 мин килограма малик олан 2800 килолуг силиндр Нәтәнз зәнҝинләшдирмә комплексиндән Фордо зәнҝинләшдирмә комплексинә көчүрүлдүкдән сонра Шәһид Әлимоһәммәди комплексинин тәминетмә залында йерләшдирилди.
Иран Ислам Республикасы президенти Һәсән Руһани чәршәнбә ахшамы ҝүнү Иранын нүвә анлашмасы өһдәликләринин азалдылмасы үзрә 4-ҹү аддымынын атылмасыны елан едәрәк, деди: Нүвә анлашмасынын бүтүн тәрәфләри билмәлидирләр ки, Иран биртәрәфли сурәтдә бу анлашмайа садиг гала билмәз.
Руһани вурғулады: Иранын дөрдүнҹү аддымы да өнҹәки аддымлар кими ҝеридөнәсидир вә әҝәр нүвә анлашмасынын бүтүн тәрәфләри өз өһдәликләринә ҝери дөнәрләрсә, Иран Ислам Республикасы да өз өһдәликләрини иҹра едәҹәкдир.
Франса президентинин Иранын нүвә анлашмасы өһдәликләринин азалдылмасы үзрә аддымларына реаксийада Теһраны бу анлашмадан чыхмагда иттиһам етдийи бир һалда, Русийанын хариҹи ишләр назири АБШ-ын нүвә анлашмасындан биртәрәфли вә ганунсуз сурәтдә чыхмасыны вә авропалыларын рәфтарларыны кәскин тәрздә тәнгид едәрәк, дейиб: Биз нүвә анлашмасы олайларындан чох ниҝараныг вә бу ниҝаранчылығы Американын тәкәббүрлү сурәтдә нүвә анлашмасындан чыхдығы заман елан етдик вә Иранын өһдәликләринә әмәл етмәйи азалтмасыны дәрк едирик.
..........
340
