АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Трамп америкалы әсҝәрләрин Сурийанын шималындан чыхмалары һагда ҝөстәриш вериб вә билдириб ки, бу сонсуз вә ҝүлүнҹ савашларын бизә дәхли йохдур.
Көлҝә һөкумәтинин сәбри түкәнибдир. Һиллари Клинтондан тутмуш республикачы сенатор Линдсей Грамаһадәк дейирләр ки, Трампын бу ишләри хәйанәт вә фаҹиәдир. Иранын хейринә олаҹаг.
Американын сабиг милли тәһлүкәсизлик мүшавири Сузан Райс дейир ки, хариҹи сийасәт тамамилә мәғлуб олубдур. Вә сенатор Робио дейир: Сурийадан чыхмаг гәрары Иранын Америка һөкумәтинин сәдагәтсизлийи барәдәки бахышыны тәсдиг едир.
АБШ конгресинин нүмайәндәләр палатасынын сәдри Ненси Пелоси дә Трампын гәрарыны олдугҹа ниҝаранедиҹи адландырыб
Трампын тәнгидчиләри бу дәфә һәр ики спектрдә гылынҹ чәкибләр. Ону йараламаг үчүн ән йахшы васитә һәләлик елә һәмин Украйнаҝейтдир.
Јәни Трампын импичменти бу ҝүнаһа ҝөрәдир ки, өз украйналы һәмкарына дейиб:
Ҹо Байденин оғлу вә онун коррупсийасы барәдә нә билирсәнсә, даныш
Обаманын мүавини Ҹо Байден Трампын 2020-ҹи президент сечкиләриндәки рәгибидир. Трамп онун адыны “Јухулу Ҹо” гойуб. Байден прогноз едир ки, Трамп тезликлә һакимиййәтдән суи-истифадә етмәк ҝүнаһы илә мәғлубиййәтә уғрайаҹаг, амма дейир ки, бу һашийәләр онун үчүн костйум ҝейинмәк кими ади бир мәсәләдир.
Бу, Америкада мәтбуат вә телевизийа үзрә бейнәлхалг иҹмалчы вә йазар Лен Уилйамсын фикридир.
Мүсаһибә: Трампын өзү дейир ки, һәтта әҝәр мәшһур Таймс мейданынын ортасында атәш ачса белә, бир кәсин онунла ишинин олмайаҹағыны билир. Онун импичмент едиләҹәйинә инанмырам. Сенат сәс вермәйәҹәк.
Демократлар истәйирләр ки, Трамп Ҹонсон вә Клинтондан сонра Американын импичмент едилән үчүнҹү президенти олмуш олсун вә йа Никсонун ватерҝейт кими талейи олмуш олсун.
Амма бүтүн бунлар бир гумардыр, чүнки әҝәр о тайда Байденин оғлунун иши ҝөстәрсә ки, Украйна мафийасы Обаманын командасынын ичәриләринә көк салыбмыш, бу, Трампын рәгибләринин 2020-ҹи ил сечкиләриндә вахтындан габаг мәғлубиййәтләринә сәбәб ола биләр. Һәр һалда, бу мәсәлә Вашингтонда Ағ Ев үчүн ән бөйүк проблемә чеврилиб вә еһтимал үзрә бу һекайәт барәдә гаршыдакы ҝүнләрдә бундан артыг мәсәләләр ешитмиш олаҹағыг.
.........
340
