АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ким Мйон Ҝил дүнән Исвечин пайтахты Стокһолмда америкалыларын мүзакирәләрдә сәдагәтсиз олмаларындан тәәссүф ифадә едиб. Билдириб ки, Шимали Корейа һейәти експертләр сәвиййәсиндә амеикалыларла нүвә данышыгларыны дайандырыб.
Шимали Корейанын мүзакирә групунун башчысы дейиб: Вашингтонун мүзакирәләрдә тәгдим етмәйә бир шейи йох иди.
Ким Мйон Ҝил сөйләйиб: Һазырда данышыгларын давам етдирилмәсинин мәсулиййәти Американын үзәринә дүшүр.
Пхенйан илә Вашингтон арасында нүвә мүзакирәләри шәнбә ҝүнү сәһәрдән Исвечин пайтахты Стокһолмда башламышды.
Бу, ийунунун отузунда Америка президенти Доналд Трамп илә Шимали Корейанын лидери Ким Чен Ынын ики Корейа арасындакы мүлки бөлҝәдә кечирдикләри ҝөрүшдән сонра ики өлкәнин илк рәсми мүзакирәсидир.
Ҝөрүшдә тәрәфләр Сингапур вә Вйетнамда далана дирәнмиш атом мүзакирәләринин бәрпа едилмәси барәдә разылыға ҝәлмишдиләр.
Америка президенти Доналд Трамп илә Шимали Корейанын лидери Ким Чен Ын 2018-ҹи ил ийунун 12-дә Сингапурда вә 2019-ҹу ил февралын 27-си вә 28-дә Вйетнамын пайтахты Һанойда ҝөрүшмүшдүләр.
Илк Ын-Трамп ҝөрүшүндә тәрәфләр бир сәнәд имзаладылар. Она әсасән, Пхенйан там нүвә тәркисилаһы, Вашингтон да Шимали Корейайа тәһлүкәсилзик зәманәтләринин верилмәси барәдә өһдәлик ҝөтүрдү.
Бунунла белә, Америка Сингапур разылашмасы чәрчивәсиндә реал аддымлар атмайыб вә бу мәсәлә Пхенйанын тәнгидләринә сәбәб олубдур.
.........
340
