АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын хариҹи ишләр назири Мәһәммәд Ҹавад Зәриф, Русийанын хариҹи ишләр назири Серҝей Лавров вә Түркийәнин хариҹи ишләр назири Мөвлуд Чавушоғлу бу иҹласда Сурийанын әсас ганун комитәсинин тәшкили барәдә фикир мүбадиләси апарыблар.
Иран, Русийа вә Түркийәнин хариҹи ишләр назирләри бу иҹласда һәмчинин терроризмлә мүбаризәнин давам етдирилмәси ваҹиблийини вурғулайыблар.
Иран, Русийа вә Түркийәнин хариҹи ишләр назирләри иҹласдан сонра мүштәрәк бир ачыгламада Сурийа әсас ганунун ишләниб һазырланмасы үзрә комитәнин илк иҹласынын тәшкилинә йардым барәдә өз разылыгларыны елан едибләр.
Иран Ислам Республикасы, Русийа вә Түркийә бу ачыгламада һәмчинин Сурийанын бирлийи, истиглалиййәти, әрази бүтөвлүйү вә суверенлийинин горунмасына тәкид едибләр.
БМТ-нин баш катиби Антонио Гутерреш базар ертәси ҝүнү билдирди ки, Сурийанын әсас ганун комитәси йарадылыб вә онун илк иҹласы гаршыдакы һәфтәләрдә тәшкил олунаҹаг.
Сурийанын әсас ганун комитәсинин тәшкили идейасы илк дәфә “Сурийа милли диалог конгреси”нин иҹласында ирәли сүрүлдү.
“Сурийа милли диалог конгреси” 2018-ҹи ил йанварын 29-у вә отузунда Русийанын Сочи шәһәриндә кечирилди.
“Сурийа милли диалог конгреси”нин кечирилмәси барәдә разылашма Астана просесинә зәманәтчи өлкәләр кими Иран Ислам Республикасы, Русийа вә Түркийә башчыларынын 2017-ҹи илин нойабр саммити ҝедишиндә әлдә олунду.
Астана мүзакирәләри Иран Ислам Республикасынын тәшәббүсү, һәмчинин Русийа вә Түркйәнин әмәкдашлығы вә Сурийада сүлһ йаратмаг һәдәфи илә 2017-ҹи илин йанварындан башланыбдыр.
..........
340
