АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Инҝилтәрәнин кечмиш баш назири вә Авропа Бирлийиндән айрылмаг үзрә референдумун тәшкилатчысы олан Девид Камерон Инҝилтәрәнин гарышыг дурумдан ниҹат тапмасы үчүн брексит үстүндә икинҹи референдумун кечирилмәсинә дәстәк вериб.
Өзү брекситә гурбан ҝедән биринҹи баш назир олан Девид Камерон өлкәсинин брексит галмагалына дүчар олдуғуну билдириб. О, дейиб ки, икинҹи референдум бу шәраитдән хилас олмаг үчүн тәсирли ола биләр.
Камерон бир сечки вәдинә вә партийадахили тәзйигә әсасән, бу өлкәнин Авропа Бирлийиндән айрылмасы үстүндә 24 ийун 2016-ҹы ил тарихиндә бир референдум кечирди. Амма айрылығын нәтиҹәләрини үзә чыхармаг үзрә сәйләринә рәғмән, өз мейлинин әксинә ҝедәрәк, 52%-ә йахын айрылма сечимини гәбул етди. Камерон бу референдумун иҹрасындан ирәли ҝәләҹәк проблемләрдән хәбәрдар олан бир шәхс кими, дәрһал партийа рәһбәрлийиндән вә она уйғун олараг, баш назирлик вәзифәсиндән истефа верди вә Тереза Мей мүһафизәкарлар партийасынын сәдри вә Инҝилтәрәнин баш назири олду.
Тереза Мей дә бүтүн сәйләринә бахмайараг, парламентин гәбул едәҹәйи разылашманы Авропа Бирлийиндән ала билмәди вә ағлар ҝөзлә истефа верди ки, брекситә гурбан ҝедән икинҹи баш назир олмуш олсун. Вә инди бу ики баш назирин мирасы Инҝилтәрәнин Авропа Бирлийинә үзвлүйү илә дүшмән олан Борис Ҹонсона чатыбдыр.
О, һәр ҹүр олурса-олсун, бу өлкәни октйабрын 31-дә Авропа Бирлийиндән чыхармаг ниййәтиндәдир. Бу аддым Трамп тәрәфиндән сон дәрәҹә һимайә олунур вә дәфәләрлә Ҹонсону ону иҹра етмәйә тәшвиг едибдир. Инҝилтәрә халгы Трампын брекситә дәстәк вермәсини бу өлкә үчүн бир тәһлүкә сигналы вә ниҝаранчылыг мәнбәйи һесаб едир вә бу мәсәләнин йенидән нәзәрдән кечирилмәсини истәйир.
......
340
