АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Рәһбәри јени фәрман имзалајараг Һөҹҹәтүл Ислам вәл Мүслимин Доктор Рза Рәмәзани ҹәнабларыны Үмүмдүнја Әһли Бејт (әлејһимус-сәлам) Ассамблејасына јени Баш Катиб тәјин етмишдир.
Имам Хаменеи һәзрәтәләри вердији һөкмүндә Үмүмдүнја Әһли Бејт (әлејһимус-сәлам) Ассамблејасына јени Баш Катибинә һәссас олан бејнәлхалг шәраитә ујғун сүрәтдә, Әһли Бејт (әлејһимус-сәлам) Ардыҹылларынын әһәмијјәтли мәгамда олдугларыны нәзәрә алараг, фикир отагларындан, баҹарыглы вә тәҹрүбә саһибләри олан ҹаванлардан истифадә етмәки төвсијә етмишдир.
Имам Хаменеи ҹәнаблары һәмчинин Дүнја Әһли Бејт Ассамблејасынын сабиг Баш Катиби Һөҹҹәтүл Ислам вәл Мүслимин Муһәммәд Һәсән Әхтәри ҹәнабларынын узун илләр боју ихласла долу ҝөстәрдикләри сәјләриндән гәдирданлыг етмишдир.
Гејд етмәк лазымдыр ки, Доктор Рәмәзани ҹәнаблары 12 ил Авропада Ислам Динини тәблиғ етмиш вә 2006-2009-ҹи илләрдә Имам Әли (әлејһи сәлам) адына Вијән Ислами Мәркәзин вә 2009-2019-ҹу илләрдә исә Алманијада Һамбурҝ Ислами Мәркәзин сәдр вәзифәсиндә чалышмышдыр.
Онун Фарс, Әрәб, Инҝилис, Алман, Малај вә Түрк дилиндә 60-дан чох елми әсәри вардыр. Доктор Рәмәзани Ҝилан әјаләтинин Експердләр Мәҹлисинин 4 вә 5-ҹи дөврләриндә сечилмиш нүмајәндәси олмушдур.
Имам Хаменеи ҹәнабларынын имзаладығы фәрманын там мәтнинин тәрҹүмәсини сајтымызын һөрмәтли изләјиҹиләринә тәгдим едирик:
"Бисмиллаһир Рәһманир Рәһим
Ҹәнаб Һөҹҹәтүл Ислам вәл Мүслимин Һаҹ Шејх Рза Рәмәзани (Аллаһ төфигинизи давамлы етсин)
Үмүмдүнја Әһли Бејт (ә) Ассамблејасынын Али Шурасынын һөрмәтли үзвләринин тәклифи илә, елми мәгамынызы, мәсулијјәтли олдуғунузу вә узун илләр хариҹи өлкәләрдә әлдә етдијиниз тәҹрүбәләри нәзәрә алараг сизи Үмүмдүнја Әһли Бејт (ә) Ассамблејасына Баш Катиб тәјин едирәм.
Үмүд едирәм ки, һәссас олан бејнәлхалг шәраитә ујғун шәкилдә, Әһли Бејт (әлејһимус-сәлам) Ардыҹылларынын әһәмијјәтли мәгамыны нәзәрә алараг, фикир отагларындан, баҹарыглы вә тәҹрүбә саһибләри олан ҹаванлардан истифадә етмәклә, һәмчинин алим вә мүтәфәккирләр илә хүсусилә дә Үмүмдүнја Әһли Бејт (ә) Ассамблејасынын Али Шурасынын һөрмәтли үзвләри илә сых әлагәдә олуб Ислам Маарифинин тәблиғиндә еләҹә дә Ислам Үммәтинин Вәһдәти уғрунда мүвәффәг аддымлар атасыныз.
Үмүмдүнја Әһли Бејт (ә) Ассамблејасынын сабиг Баш Катиби Һөҹҹәтүл Ислам вәл Мүслимин Муһәммәд Һәсән Әхтәри ҹәнабларынын узун илләр боју ихласла долу чәкдији зәһмәтләринә ҝөрә дә тәшәккүр билдирмәјими ваҹиб билирәм.
Һәзрәт Һагг Тәаладан һамыныза тапшырылан вәзифәләрин өһдәсиндән лајигинҹә ҝәлмәји арзу едирәм.
Сејјид Әли Хаменеи"
Үмүмдүнја Әһли Бејт (ә) Ассамблејасынын Баш Катибинин вәзифәси
Үмүмдүнја Әһли Бејт (ә) Ассамблејасы дүнја сәвијјәли гејри дөвләт тәшкилатыдыр. Бу тәшкилат Дүнја Мүсәлманларынын Али Рәһбәри, Али Тәглид Мәрҹәси олан Вәлијји Фәгиһин бирбаша нәзарәти илә бир груп Әһли Бејт (әлејһимус-сәлам) Давамчыларындан олан елит тәбәгә тәрәфиндән јарадылыб.
Ассамблејанын әсас һәдәфи Ислами Вәһдәти даһа да мөһкәмләтмәклә јанашы һәзрәт Муһәммәд (сәлләллаһу әлејһи вә алиһ) Пејғәмбәрин ҝәтирдији әсил Ислам Динини бәшәријјәтә танытмаг, Гур`ан вә Әһли Бејт (әлејһимус-сәлам) Маарифини тәблиғ етмәк, һәзрәт Пејғәмбәрин пак вә мәсум Әһли Бејтинә (ә) әлагәси оланлары тапмаг, тәшкилатландырмаг, тәлиматландырмаг вә дәстәкләмәкдир.
Баш Катиб, Үмүмдүнја Әһли Бејт (ә) Ассамблејасынын али иҹрачы гүввәсидир. Онун әсас вәзифәси Али Шуранын тәсдигләдији лајиһәләри вә сијасәти һәјата кечиртмәкдир. Баш Катиб, Үмүмдүнја Әһли Бејт (ә) Ассамблејасынын Али Шурасы тәрәфиндән сечилир вә Вәлијји Фәгиһ тәрәфиндән исә тәјин едилир.
Үмүмдүнја Әһли Бејт (ә) Ассамблејасынын Баш Катибләри
Бу ҝүнә кими Үмүмдүнја Әһли Бејт (ә) Ассамблејасыны идарә етмәк үчүн беш Баш Катиб тәјин едилмишдир. Баш Катиб вәзифәсинә тәјин олунанларын һамысы Ислам Дүнјасынын танынмыш чеһрәләриндән олублар:
1- Ајәтуллаһ Муһәммәд Әли Тәсхири. (1990-ҹы ил Апрел ајындан 1999 -ҹу ил Ијул ајына кими).
2- Доктор Әли Әкбәр Вилајәти. (1999 -ҹу ил Ијул ајындан 2002 -ҹи илә кими).
3- Ајәтуллаһ Муһәммәд Меһди Асәфи (р). (2002-ҹи илин Ијул ајындан 2004-ҹү илин Март ајына кими).
4- Һөҹҹәтүл Ислам вәл Мүслимин Муһәммәд Һәсән Әхтәри. (2004-ҹү илин Март ајындан 2019-ҹу илин Ијул ајына кими).
5- Һөҹҹәтүл Ислам вәл Мүслимин Доктор Рза Рәмәзани. (2019-ҹуилАвгустајы)
