(ABNA24.com) Ҝенерал-майор пасдар Сеййед Јәһйа Рәһим Сәфәви бу ҝүн “Мерсад” әмәлиййатынын гейд олунмасы мәрасиминдә Ираны мәғлубедилмәз бир гүдрәт адландырыб вә белә дейиб: Ислам Ингилабынын дискурсу Сакит Океандан Аралыг дәнизинәдәк ҝүҹләнмәкдәдир вә америкалылар бу бөлҝәни тәрк етмәйә мәҹбурдурлар.
Иран Силаһлы Гүввәләринин Али Баш Команданынын көмәкчиси вә баш мүшавири Американын мүнафигләр террор груплашмасынын Иранын гәрбиндәки накам әмәлиййатынын архарсында дурдуғуну билдириб. О, дейиб: Америкалылар Ислам Ингилабы гәләбәсинин илк илләриндә вә сәккиз ил иҹбари мүһарибәдә далбадал мәғлубиййәтләрә уғрадыгларына ҝөрә, Иран Ислам Республикасы гурулушуну девирмәк үчүн мүнафигләрин әлләри илә “Мерсад” әмәлиййаты фитнәсини иҹра етдиләр.
Ҝенерал-майор Сәфәви билдириб ки, “Мерсад” әмәлиййатында мүнафигләр террор груплашмасынын үзвләриндән сәксән фаизи мәһв едилди вә йердә галанлар гачдылар. О, белә гейд едиб: Бу әмәлиййат иранлылар үчүн ифтихарлы, американлар вә мүнафигләр груплашмасы үчүн исә ән бөйүк мәғлубиййәт иди.
“Мерсад” әмәлиййаты 1988-ҹи ил ийулун 27-дә мүнафигләр террор груплашмасынын Иранын гәрбиндә йерләшән Керманшаһ вилайәтиндәки һүҹуму илә мүбаризә үчүн башланды вә бу террор үнсүрләриндән бөйүк бир групунун Патаг вә йа Мерсад боғазында ики ҝүн мүһасирәсиндән вә онлардан ики миндән чох үнсүрүн өлдүрүлмәсиндән сонра баша чатды.
.......
340
25 iyul 2019 - 10:31
Xəbər kodu: 964454
Иран Силаһлы Гүввәләри Али Баш Команданынын көмәкчиси вә баш мүшавири дейиб: Ислами Иранын гүдрәти ҝүнү-ҝүндән артмагда, америкалылар вә сионистләрин гүдрәти исә тәнәззүл етмәкдәдир.
