(ABNA24.com) Иран Ислам Республикасынын президенти Һәсән Руһани дүнән ахшамчағы Теһранда Ирагын баш назири Адил Әбдулмәһдинин башчылыг етдийи һейәтлә ҝөрүшдә гаршылыглы мүнасибәт вә һәмкарлыгларын һазыркы шәраитдә ҝенишләнмәсини өнәмли адландырыб вә белә әлавә едиб: Бөлҝәдә лазыми сабитлик вә тәһлүкәсизлийин йаранмадығы бир шәраитдә Теһран-Бағдад һәртәрәфли мүнасибәт вә һәмкарлыгларынын ҝенишләндирилмәси гәти шәкилдә бөлҝәнин тәһлүкәсизлийи вә сабитлийинин ҝенишләнмәси вә артмасында тәсирли олаҹагдыр.
“Иран Ислам Республикасы бөлҝәдә вә диҝәр өлкәләрлә ҝәрҝинликләрин артмасыны истәмир вә һеч вахт саваш вә ҝәрҝинлийин башлайыҹысы олмайаҹагдыр”- дейән Руһани әлавә едиб: Иран тарих бойу Фарс Көрфәзи, Һөрмүз боғазы вә Оман дәнизиндә ҝәмичилийин азадлығы вә тәһлүкәсизлийин әсас горуйуҹусу олуб вә бундан сонра да олаҹагдыр.
Бөлҝәнин сабитлийи вә тәһүлүкәсизлийинин һәмишә Иран үчүн өнәмли олдуғуну билдирән Иран Ислам Республикасынын президенти дейиб: Иран вә Ираг ики дост вә гоншу өлкә кими өз әмәкдашлыгларыны бөлҝәнин стабиллийи вә тәһлүкәсизлийинин ҝенишләндирилмәси истигамәтиндә инкишаф етдирә биләрләр.
Адил Әбдулмәһди дә дейиб: Иран вә Ирагын гардашлыг вә достлуг һиссләри гаршылыглыдыр.
Бөлҝәдә ҝәрҝинликләри артырмаг үзрә бәзи фитнәләрә ишарә едән Ирагын баш назири әлавә едиб: Ираг һеч вахт Ирана гаршы санксийаларын бир һиссәси олмайыб вә олмайаҹагдыр да.
......
340
