Бейнәлхалг иҹтимаиййәт нүвә анлашмасыны горумаг үчүн һисс олунаҹаг аддымлар атмалыдыр

(АБНА24.ҹом) Иран Ислам Республикасынын хариҹи ишләр назири ҹүмә ҝүнү ахшам бир нечә Асийа өлкәсинә олан турнесинин сонунда Твиттер-дә йазыб: Бейнәлхалг иҹтимаиййәт нүвә анлашмасыны хилас етмәк үчүн һисс едиләҹәк игтисади аддымлар атмалыдыр.

Фарс хәбәр аҝентлийинин билдирдийинә ҝөрә, Мәһәммәд Ҹавад Зәриф бу пайлашымда Түркмәнистан, Һиндистан, Јапонийа вә Чинә олан сәфәрләринә ишарә едәрәк, билдириб: Бу өлкә рәсмиләри илә конструктив мүзакирәләримиз олду. Хүсусилә Јапонийанын баш назири Шинзо Абе вә хариҹи ишләр назири Таро Коно һабелә, Чинин хариҹи ишләр назири Ванг Ји илә.

Зәриф һәмчинин йазыб: Бейнәлхалг иҹтимаиййәт, нүвә анлашмасынын үзвләри вә Иранын шәрикләри һисс едиләҹәк игтисади аддымлар атмагла нүвә анлашмасыны хилас етмәйә чалышмалыдырлар.

Иранын хариҹи ишләр назири базар ҝүнү 4 Асийа өлкәсинә олан турнесинә Түркмәнистана сәфәр етмәклә старт верди. Даһа сонра Һиндистан, Јапонийа вә Чинә сәфәр етди.

Нүвә анлашмасына даир сон дурум вә Иран Ислам Республикасынын АБШ-ын тәхрибатчылыглары гаршысындакы гануни рәфтарлары һабелә, авропалыларын нүвә анлашмасынын иҹрасында тәсирли аддымлар атмамаларына реаксийа Зәрифин бу 4 өлкә рәсмиләри илә ҝөрүшләриндә мүзакирә етдийи әсас мәсәләләр олуб.

Икитәрәфли әлагәләрин мүхтәлиф ҹәһәтләринин арашдырылмасы, реҝион вә дүнйанын өнәмли мәсәләләринә даир фикир мүбадиләсинин апарылмасы Зәрифин Түркмәнистан, Һиндистан, Јапонийа вә Чин рәсмиләри илә мүзакирәләринин диҝәр мөвзулары олуб.

АБШ президенти Доналд Трамп өтән айларда ҝәрҝинлик йарадан аддымлар атараг, гейри-гануни шәкилдә Ирана гаршы тәзйигләр вә саксийалары артырыб.

Трампы 8 май 2018-ҹи илдә нүвә анлашмасындан чыхараг, Ирана гаршы нүвә санксийаларыны бәрпа етди.

Трампын бу һәрәкәти өлкә дахилиндә вә бейнәлхалг сәвиййәдә ҝениш етиразлара сәбәб олду.
.................
300