Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, рәсми Преторија Исраил һөкумәтинин јүрүтдүјү сијасәтә, о ҹүмләдән Исраил һәрбчиләринин Гәззада динҹ етиразчылара атәш ачмасына етираз олараг өз сәфирини һәмишәлик Исраилдән чыхармаға һазырлашыр.
“Неwсру.ҹо.ил”ин мәлуматына ҝөрә, бу һагда Ҹәнуби Африка Республикасынын (ҸАР) Бејнәлхалг Мүнасибәтләр Назирлији бәјанат вериб.
Назирлијин бәјанатына ҝөрә, бу, ики өлкә арасында дипломатик мүнасибәтләрин азалдылмасы истигамәтиндә атылан илк аддымдыр. Ејнилә Исраил дипломатик миссијасы ҸАР-дан чыхарылаҹаг.
Хатырладаг ки, өтән илин мај ајында Гәзза золағында баш верән нөвбәти тоггушмалардан сонра ҸАР өз сәфири Сису Нгомбанени Исраилдән ҝери чағырмышды. Јалныз үч ајдан сонра о өз вәзифәләрин иҹрасыны давам етдирмишди.
Диггәт: Хәбәрдән истифадә етдикдә мәнбәјә истинад лазымдыр
