Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Јәмәнин Әнсаруллаһ һәрәкатынын баш катиби Сејид Әбдүлмәлик Бәдрәддин Әл-Һуси гадын һүгугларындан дәм вуран дүшмәнләрин сијасәтләри илә гадынлар үчүн ән бөјүк тәһдид вә тәһлүкә олдугларыны билдирәрәк, белә дејиб: “Јәмәнли гадын вә ушаглар гәрблиләрин силаһлары илә өлдүрүлүрләр”.
Февралын 25-и гадын вә аналар ҝүнү мүнасибәтилә телевизијадан чыхыш едән Сејид Әбдүлмәлик, дүшмәнләрин Јәмәндә хүсусилә гадын вә ушаглары һәдәфә алдығыны билдириб. О, Гәрб өлкәләринин гадын һүгуг вә азадлыгларына дәјәр вермәдијини, һалбуки Ислам дининин гадына чох бөјүк мәгам вә дәјәр вердијини билдириб.
Әнсаруллаһ һәрәкатынын лидери Сәудијјә режими вә тәрәфдашларынын Јәмәнә гаршы мүһарибәләринә тохунараг, Ислам дүшмәнләринин бу мүһарибәдә һәдәфләринин, Јәмән халгы үзәриндә һөкмранлыг гурмаг олдуғуну билдириб. Сәудијјә режиминин террорчуларын ән бөјүк һимајәдары олдуғуну дејән Әл-Һуси, Сәудијјә режиминин нијјәтинин Јәмән халгы вә мүсәлманлар арасында тәфригә чыхармаг олдуғуну гејд едиб.
Сәудијјә режиминин ҹинајәтләрлә долу сијасәтләринә тохунан Сејид Әбдүлмәлик, белә данышыб: “Бу режим АБШ вә Исраил режиминә хидмәт едир. Бу режим Исвечдә имзаланмыш атәшкәс разылашмасына да садиг галмады”.
Диггәт: Хәбәрдән истифадә етдикдә мәнбәјә истинад лазымдыр
