Әһли Бејт (әлејһимус-сәлам) - АБНА – Хәбәр Аҝентлији- Инсан инсанлыг мүстәвисиндә дурмадан ҝеријә һәрәкәт етдији бир вахтда, Пејғәмбәримиз (с) өзү илә гәлбиндә Исламы ҝәтирмишди.
Пејғәмбәримиз (с) бизи баша салырды ки, инсан һәјатынын бүтүн саһәләриндә, истәр фәрди олсун,и стәрсә дә иҹтимаи – она аид олан хүсуси исдедады илә һәрәкәт етмәлидир. Инсан азадәдир вә бу азадәлијинин әсасында онун неҹә ҝәлди дејил, сечимли вә ирадәви јашамасы дурур.
Пејғәмбәримизин (с) көмәји илә инсанлар бир вүҹуди ојаныш јашадылар.
Тәәссүф ки, Пејғәмбәримизин (с) дедикләрини һамы гәбул едә билмәди вә елә ки, о Һәзрәт (с) дүнјасыны дәјишди, она гаршы оланлар – һансылар ки, әслиндә Аллаһа гаршы идиләр, чүнки Пејғәмбәр (с) инсанлара Аллаһын бујурдугларыны чатдырырды – ҝениш фәалијјәт имканы әлдә етдиләр.
Ишојерәҝәлибчатдыки, дин, иманараданҝетмәјәбашлады. О вүҹуди ојаныш вә һәрәкәтләнмә ки, Пејғәмбәр (с) инсанларда јаратмышды, тамамилә јох олмаг тәһлүкәси илә үзләшди.
Имам Һүсејн (ә) бу тәһлүкәни дәф етмәк үчүн ајаға галхды вә мәсләкдашлары, аилә үзвләри илә бирликдә Кәрбәлада шәһид олду.
Кәрбәлада јашананлар һесабына Ислам дини арадан ҝетмәди, әксинә, дирчәлди.
О дин ки, инсаны һәр ҹүр варлыгдан әзиз вә шәрафәтли билирди, инсанын азадәлијини әсас билирди, инсанын онун үчүн нәзәрдә тутулмуш фитри тәјинаты үзрә јетишмәсини истәјирди, инсанын инсан кими јетишмәсини истәјирди – бу диндә Имам Һүсејнин (ә) шәһид олмасы илә јени бир һәрәкәтләнмә, вүҹуди ојаныш јашанды.
Нөвбәти белә бир һәрәкәтләнмә Имам Һүсејнин (ә) шәһадәтинин 40-ҹы ҝүнү јашанды десәк, јанылмарыг.
Һәмин ҝүн – Әрбәин ҝүнү (бу, әрәбҹә 40 демәкдир) Пејғәмбәримизин (с) садиг сәһабәси олан Ҹабир ибн Абдуллаһ Әнсари Имам Һүсејнин (ә) мүгәддәс гәбини зијарәтә ҝәлди.
Ҹабирин ҝөзләри ҝөрмүрдү, онунла Мәдинәдән бура сәфәр етмиш, ону мүшајиәт етмиш Әтијјә (Ҹабир ибн Әнсаринин јахынларындан олан шәхс) нәгл едир ки, "О заман ки, Кәрбәлаја јетишдик, Ҹабир Фәрат чајынын кәнарына ҝетди вә гүсл алды. Сонра либасыны ҝејинди вә әтир вурду. Сонра һәр аддымында зикр дејә-дејә, Имам Һүсејнин (ә) гәбринә тәрәф ҝетди. О заман ки, Имам Һүсејнин (ә) гәбринин кәнарына чатдыг, мәнә сөјләди: "Әлими пак гәбрин үзәринә гој".
Мән белә дә етдим. Бу анда ҝөрдүм ки, Ҹабир гәшш етди вә гәбрин үзәринә јыхылды. Бир аз үзәринә су вурдум. О вахт ки, Ҹабир өзүнә ҝәлди, 3 дәфә "Ја Һүсејн! " деди”.
Ҹабирин етдији бу сәфәр – илк Әрбәин сәфәри иди.
Ҹабирин бу зијарәти онун Имам Һүсејнә (ә) олам бөјүк еһтирамы вә һөрмәти иди. Имам Һүсејнин (ә) уғрунда шәһид олдуғу дәјәрләрә олан сәдагәти вә итаәти иди.
Инсанын илаһи мүстәвидән кәнар мөвҹуд ола билмәмәсинә даир бир һәрарәтли месажы иди.
Чох тәсирли иди.
Она ҝөрә ки, зијарәтинин нијјәти дүзҝүн иди. Аллаһ үчүн едилмишди. Аллаһ үчүн едилдијииндән белә тәсир вә гүввәјә малик олмушду. Һәмин тәсирдәндир ки, һиҹрәтин 61-ҹи или сәфәр ајынын 20-дән бу ҝүнәдәк Имам Һүсејнин (ә) зијарәтинә инсанлар ахышмышдыр.
Тарихин бәзи дөнәмләриндә Имам Һүсејни (ә) зијарәт етмәк јасаг олмушду, амма инсанлар һәјатларыны итирмәк тәһлүкәси илә үшләшсәләр белә, бу зијарәти тәрк етмәмишдиләр.
Инди һәр ил милјонларла инсан Имам Һүсејнин (ә) зијарәтинә тәләсир. Һәр бир ишини кәнара гојур вә Кәрбәлаја ахышыр. Дүнјанын ән бөјүк сүлһмәрамлы топлантысы адландырырлар "Әрбәин"и бәзән.
Бу гәдәр инсаны Кәрбәлаја ҝәлмәјә нә вадар едир?
Әлбәттә, о фитри ахтарышлары ки, вүҹуди ојанышла бағлыдыр.
О һәрәкәтләнмәјә инсанлар бир еһтијаҹ дујур.
Севимли Имамы (ә) илә бир јердә олмаг, онун мүбарәк вүҹуҹундан бәһрәләнмәк, фәрди вә иҹтимаи јашајычлары үчүн месажлар алмаг үчүн бура ҝәлирләр.
Инсан олмаг. Имам Һүсејнин (ә) инсанлыг мәктәбиндән пај алмаг вә һәјатларына көчүрмәк, Имам Һүсејнин (ә) иззәтли руһундан шәрәф тапыб, Аллаһа јахын ола билмәк истәјир инсанлар.
О мәһәббәт ки, Имам (ә) Аллаһа нүмајиш етдирмишди, онунла һәмрәј олмаг истәјир инсанлар.
Чохлары Кәрбәлада олмаг истәјәрди о ан Имам Һүсејнлә (ә).
Бу ҝүн бу зијарәти илә санки Ҹабири тәкрарлајыр вә буну етдикләрини билдирирләр.
Аллаһдан бу ил Әрбәин зәвварларына бәрәкәтли сәфәр арзу едирәм вә фәрди вә иҹтимаи һәјатларында һүсејни месажлары дашыја билмәк вә бизләрә чатдырмағы диләјирәм ки, бу, нөвбәти Әрәбинә гәдәр Аллаһа доғру сәфәримиздә бизә кифајәт етсин.
Үлвијјә Бәдәл
Диггәт: Хәбәрдән истифадә етдикдә мәнбәјә истинад лазымдыр
