Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн 04. Сентјабр. 2017 тарих Азәрбајҹан Ислам Партијасынын сәдри Доктор Һаҹы Мөвсүм Сәмәдовун доғум ҝүнүдүр.
АИП-ин баш офисиндә Һаҹы Мөвсүм Сәмәдовун доғум ҝүнүнүн гејд едилмәси вә АИП лидеринә үнванланан тәбрик барәдә партијанын Мәтбуат Хидмәтиндән ИсламинСеси.инфо -ја дахил олан мәлуматда дејилир:
Азәрбајҹан Ислам Партијасынын сәдри Доктор Һаҹы Мөвсүм Сәмәдов 4 сентјабр 1965-ҹи илдә Губа рајонунда зијалы аиләсиндә анадан олуб. О, Азәрбајҹан Тибб Университетини битириб. Вәтән гаршысында һәрби хидмәт борҹуну забит һејәтиндә јеринә јетириб. М. Сәмәдов һәкимлик пешәсилә бир нечә ил инсанларын хидмәтиндә дајаныб. О, сонра һәм дә Али руһани тәһсили алыб. 1990-ҹы илдә Мөвсүм Сәмәдов Милли Азадлыг Һәрәкатында иштирак едиб. О, сијаси фәалијјәтинә АХҸ сыраларында башламышдыр. 1993-ҹү илдә Мөвсүм Сәмәдов Азәрбајҹан Ислам Партијасы сыраларына гәбул едилиб. Һаҹы Мөвсүм Сәмәдов әввәлҹә АИП Губа Рајон Комитәсинә, 2007-ҹи илдә сијаси гурумун нөвбәти гурултајында сечиләрәк партијаја рәһбәрлик етмәјә башлајыб. Доктор Һаҹы Мөвсүм Сәмәдов бу ҝүн исламчыларын лидери вә АИП сәдри кими севилир, онун бүтүн фикир вә дүшүнҹәләри бөјүк рәғбәтлә гаршыланыр.
Доғум ҝүнү мүнасибәтилә гурумун мәркәзи офисиндә дүзәнләнән тәдбирдә АИП сәдр әвәзи Һаҹы Илһам Әлијев партија функсионерләри, партијанын бүтүн үзвләри, үмумән исламчылар вә һаҹыны севәнләр адындан Доктор Мөвсүм Сәмәдову доғум ҝүнү мүнасибәтилә үрәк сөзләрини ифадә едәрәк тәбрик үнванлады. Тәбрикдә дејилир:
“Әзиз гардашымыз, чох һөрмәт бәсләдијимиз Һаҹы Мөвсүм! Сизи өнҹә Аллаһын бәшәријјәтә рәһмәт вә мәрһәмәт, севҝи вә шәфгәт долу мүнасибәтини әкс вә символизә едән мүгәддәс Гурбан бајрамы мүнасибәтилә сәмими гәлбдән тәбрик едирик. Доғум ҝүнүнүз, Аллаһын Сизин кими бир тәгвалы инсанын ҹәмијјәтимизә бәхш етдији бир тарих дә һәмчинин бизим үчүн олдугҹа дәјәрлидир. Иҹтимаи һәјата јеткин гәдәм гојдуғунуз замандан һәмишә Аллаһын мәһзәриндә вә һүзурунда олдуғунузу гәлбән билән, һәр һансы мәсијјәт вә ҝүнаһлардан узаг олан бирисисиниз. Истәр дини вә истәрсә дә сијаси фәалијјәтиниздә кимлијиндән асылы олмајараг инсанларын гајәсинин тәмизләнмәси уғрунда фајдалы, ҹәмијјәтимизин сағлам руһу вә лајигли ҝәләҹәји үчүн хејирли фикир, дүшүнсә саһиби, ирадәли, горхмаз аддымларын мүәллифи олмусунуз. Сизи ҹәмијјәтимиз әгидәсиндән һеч заман дөнмәјән, халгыны, Вәтәнини, торпағыны вә динини ҹанындан әзиз тутан инсан, лидер кими таныјыр, гәбул едир. Бу ҝүн Азәрбајҹан халгынын Сизин кими лидерләрә еһтијаҹы һәр заманкындан бөјүкдүр. Дүнјаја һаггы батилдән ајыран тәфәккүр, зүлмүн гаршысында баш әјмәјән шәхсијјәтләр вә залымларын зәрәрли вәрдишләрини һәмишә тәнгид етмәк хүсусијјәтинә малик олан тәмкинли, тәдбирли ҹәсарәт саһибләри лазымдыр. Малик олдуғунуз бу хүсусијјәтләрлә фәхр етмәјә дәјәр.
Һөрмәтли гардашымыз! 52 јашынызын мәһбәсдә гаршыланмасыны биз малик олдуғунуз јүксәк инсани дәјәрләрин дашыјыҹысы олмағыныза рәғмән ҹәмијјәтимизә, онун сағлам мәнәви ҝәләҹәјинә зәрәр верә вә зәрбә вура биләҹәк мәгам кими гијмәтләндиририк. Арзу едирик ки, Сизә вә демәли ҹәмијјәтимизә гаршы атылан бу зәрәрли аддымлар ҝери атылмалы вә ҹәмијјәтә, аиләнизә говушмаг истәјимизә Аллаһ-тәала Өзү көмәк олсун.
Әзиз Һаҹы Мөвсүм Сәмәдов, Сизи бир даһа доғум ҝүнүнүз мүнасибәтилә гәлбән тәбрик едирик, Сизә Аллаһдан мөһкәм ҹан сағлығы, арзу вә бәшәри нијјәтләринизин тезликлә һәјата кешмәсини диләјирик. Амин!
52 јашыныз мүбарәк олсун!”
АИП сәдр әвәзи Һаҹы илһам Әлијев
04.09.2017
Диггәт: Хәбәрдән истифадә етдикдә мәнбәјә истинад лазымдыр
