Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Августун 10-да Азәрбајҹанын ишғал алтында олан Ханкәнди шәһәринә Австријада јашајан Түркијә әсилли ҹәрраһ Ара Угурјан да “тәшриф” бујуруб.
Бу һагда сепаратчы режимә мәхсус КИВ-ләр мәлумат јајыб.
Гондарма режимин “сәһијјә назирлији”нин дәвәти илә Ханкәндиндәки тибб мәркәзиндә фәалијјәтә башлајан һәким бир нечә ҝүн әрзиндә 10-12 ермәнинин үрәјини мүалиҹә, јахуд әмәлијјат етмәји планлашдырыб.
Ара Угурјан Ханкәндинин тибб мәркәзиндә Давид Хачатрјанла бирликдә чалышыр вә илк нөвбәдә артериал һипертензија симптомлары олан хәстәләр мүалиҹәјә ҹәлб едиб. Чүнки бу һалда јүксәк технолоҝијалардан истифадә етмәк лазым ҝәлир. Бу мәгсәдлә ҹәрраһ Австријадан хүсуси ләвазиматлар да ҝәтириб. Еһтијаҹ јаранаҹағы һалда ермәниләрин үрәкләри әмәлијјат олунаҹаг.
Хәбәрдә гејд едилир ки, ҹәрраһ Ара Угурјан Түркијәдә анадан олуб. О, һазырда Австријада јашајыб ишләјир вә ән јахшы тибб мүтәхәссисләриндән бири кими нүфуз газаныб.
Мәсәлә илә бағлы Хариҹи Ишләр Назирлијин мәтбуат хидмәти илә әлагә сахламаға чалышдыг. Лакин назирликдән зәнҝимизә ҹаваб верән олмады.
Диггәт: Хәбәрдән истифадә етдикдә мәнбәјә истинад лазымдыр
